Bresitol is idatcol is aal dem kolt

Teliz mal Wikikrenteem.

Grablé kal exulera, aneyara

Bresitol is idatcol is aal dem kolt
Mongolafa vunda
  Xanto  
Vergumvelt Le renard, le loup et l’arbre à miel
Sutesik -
Piskura -
Ava Mongolava
Evla -
  Kalkotavara  
Vergumvelt Bresitol is idatcol is aal dem kolt
Kalkotavasik Sabrina Benkelloun
Piskura -
Evla 2007
  Krentduga  
Webesik Sab
Krentduga Image:75%.jpg Gotuenana


Lekepon tiyir bresitol is idatcol is rupol koe rijust belcon gozayad. Keyakseson va koncoba is betcoba sin va suxaf aal kakeved lize blatak tir inkeyen is koltkirapaf.

- Xom !... kolt, sin baroy kalid aze kreme ta da gruped inde va kaip fu pakad va sint kevidud.

Bresitol rietar :

- Kolt kare klaa ke battel zo gopakar, tel losavsaf va tel lopwertaf pak ditir. Toka tir rinafa klaa, idatcol ?

- Jin tí decemdaf, idatcol kalir.

- Kiewafa, bresitol dulzer. Jin, tí tol-decemdaf.

- Luxe rin ? bresitol pu rupol erur. Toka tir rinafa klaa ?

- Jin tí anhustdaf, rupol dulzer.

- Anton anhustdaf ? bresitol divier. Me fala tori rin, titil tel tel leon kazawatas.

- Va mecoba kazawatá voxe win dere, rupol relandenon dulzer. Bak da win prilayac, va varaf kolt al estú !