Biblia Nasbal Blokey05

Teliz mal Wikikrenteem.

Grablé kal exulera, aneyara

Kristevafa Biblia : Guazafa Bafela


Nasbal neva, alubeaf blokey : Veynasbeikeem ke Adam

  1. Batse neva va veynasbeikeem ke Adam. Viele Lorik va yik ve reduyur, do int ve tuvektasayar.
  2. Va ayikye is ayikya ve reduyur aze ve kumziliyir aze radimi redura kan Adam va sin ve yoltayar.
  3. Adam, decem-bar-sandaf, ton intafa ewava va vektase nasbeikye ve nasbayar aze kan Seth ve yoltayar.
  4. Viel ke Adam kaiki koblira ke Seth di tiyid anhust-decemda ; ise va yone nasbeikye isu nasbeikya di nasbayar.
  5. Vieleem ke blira ke Adam tiyir lerd-decem-bar-sanda ; aze in ve awalkeyer.
  6. Seth, decem-alubdaf, va Enos ve nasbayar.
  7. Kaiki koblira ke Enos Seth anhust-decem-perdon bliyir ; ise va yone nasbeikye isu nasbeikya di nasbayar.
  8. Vieleem ke Seth tiyir lerd-decem-san-tolda ; aze in ve awalkeyer.
  9. Enos, lerd-sandaf, va Cainan ve nasbayar.
  10. Kaiki koblira ke Cainan, Enos anhust-decem-san-alubdon bliyir ; ise va yone nasbeikye isu nasbeikya di nasbayar.
  11. Vieleem ke Enos tiyir lerd-decem-alubda ; aze in ve awalkeyer.
  12. Cainan, per-sandaf, va Malaleel ve nasbayar.
  13. Kaiki koblira ke Malaleel, Cainan anhust-decem-balem-sandon bliyir ; ise va yone nasbeikye isu nasbeikya di nasbayar.
  14. Vieleem ke Cainan tiyir lerd-decem-sanda ; aze in ve awalkeyer.
  15. Malaleel, tev-san-alubdaf, va Iared ve nasbayar.
  16. Kaiki koblira ke Iared, Malaleel anhust-decem-bar-sandon bliyir ; ise va yone nasbeikye isu nasbeikya di nasbayar.
  17. Vieleem ke Malaleel tiyir anhust-decem-lerd-san-alubda ; aze in ve awalkeyer.
  18. Iared, decem-tev-san-toldaf, va Henoch ve nasbayar.
  19. Kaiki koblira ke Henoch, Iared anhust-decemdon bliyir ; ise va yone nasbeikye isu nasbeikya di nasbayar.
  20. Vieleem ke Iared tiyir lerd-decem-tev-san-tolda ; aze in ve awalkeyer.
  21. Henoch, tev-san-alubdaf, va Mathusala ve nasbayar.
  22. Kaiki koblira ke Mathusala, Henoch bar-decemdon bliyir ; ise va yone nasbeikye isu nasbeikya di nasbayar.
  23. Vieleem ke Henoch tiyir bar-decem-tev-san-alubda.
  24. Henoch do Lorik bliyir ; azon mea ve tiyir kire Lorik ve tiolteyer.
  25. Mathusala, decem-anhust-san-perdaf, va Lamech ve nasbayar.
  26. Kaiki koblira ke Lamech, Mathusala per-decem-anhust-san-toldon bliyir ; ise va yone nasbeikye isu nasbeikya di nasbayar.
  27. Vieleem ke Mathusala tiyir lerd-decem-tev-san-lerdda ; aze in ve awalkeyer.
  28. Lamech, decem-anhust-san-toldaf, va nasbeikye ve nasbayar.
  29. Va in kan Noe ve yoltayar, kalison : « Battel icde cuera is portafa kobara mu bata tawava rotapstayana gan Felialorik va min vinutur ».
  30. Kaiki koblira ke Noe, Lamech alub-decem-lerd-san-alubdon bliyir ; ise va yone nasbeikye isu nasbeikya di nasbayar.
  31. Vieleem ke Lamech tiyir per-decem-per-san-perda ; aze in ve awalkeyer.
  32. Noe, alub-decemdaf, va Sem is Cham is Iapheth ve nasbayar.

  Xanto  
Vergumvelt Biblia, Vetus testamentum
Sutesik Katalikafa Uja
Piskura Nova Vulgata siatos
Ava Latinava
Evla
  Kalkotavara  
Vergumvelt Biblia, Guazafa Bafela
Kalkotavasik Mixail Kostov
Piskura -
Evla 2002/2008
  Krentduga  
Webesik Troubadour
Krentduga Image:Compare.jpg Tuenayana


Kristevafa Biblia : Guazafa Bafela

Nasbal neva

← 4-eaf blokey : Cain is Abel - 5-eaf blokey - 6-eaf blokey : Avonanuca ke ayikeem  →

Ara ava se