Biblia Koxelet Blokey06

Teliz mal Wikikrenteem.

Grablé kal exulera, aneyara

Kristevafa Biblia : Guazafa Bafela


Koxelet neva, teveaf blokey

  1. Tir rotok jinon wiyin leve awalt is nobaf vanmiae ayikeem.
  2. Tir man ayik pu dan Lorik va kulaca yo is kiewega se is aliuca ziliyir ise ta intafa gloga va djumena mecoba gracis voxe megupojasan gan Lorik kire tir diveik vaon pojatas. Batse tid greciaca is rotokap.
  3. Kore ayik va decemoy nasbeik co-dir ise abrotcipon co-blir ise mu int viel se co-jonkawed, ede inafa gloga ware loon zo djutukalar ise ede ostik men tir konaboxayan, bam co-kalí da pintik tir lokalaf dam in.
  4. Kire in giopon al koblir aze ko mielak malar,
    nume intaf yolt zavzar besanaf gu mielak ;
  5. in va mecoba al wir, va awalt me al gruper ; va tildera dir loeke dam bat ayik.
  6. Ise kore battan tol-decitdon co-blir, mepojason va kaluca, kotcoba milliz me artar ?
  7. Kotafa kobara ke ayik tir mu intaf art voxe wori jugemera se meviele zo rwaved.
  8. Kire tok gunt dolge volpeztorik proyik dir ?
    Tok gunt dolge blisikeem grulinulanhas mekalik dir ?
  9. Winaca gan iteem tir gonabdualbana lodam perzuca ke jugemera : ware tid greciaca is sukonkara.
  10. Kruldesaca kan intaf yolt ixam al zo rozar ; ise grupet da ayik
    do artan lopof dam in me rotakler.
  11. Ede tir jontikcoba, jontika greciaca tid : tok gunt pu ayik zilidur ?
  12. Kire toktan va kiewe ke ayik, bak blira, bak vieleem ke inafa blira dum izga koe greciuca gruper ? Ise toktan pu ayik va radimion titise leve awalt grukalir ?

  Xanto  
Vergumvelt Biblia, Vetus testamentum
Sutesik Katalikafa Uja
Piskura Vulgate siatos
Ava Latinava
Evla
  Kalkotavara  
Vergumvelt Biblia, Guazafa Bafela
Kalkotavasik Mixail Kostov
Piskura -
Evla 2001
  Krentduga  
Webesik Troubadour
Krentduga Image: 75%.jpg Gotuenana


Kristevafa Biblia : Guazafa Bafela

Koxelet neva

← Koxelet 5 - 6-eaf blokey - Koxelet 7  →

Ara ava se