Biblia Koxelet Blokey04

Teliz mal Wikikrenteem.

Grablé kal exulera, aneyara

Kristevafa Biblia : Guazafa Bafela


Koxelet neva, balemeaf blokey

  1. Jin va kota skuna moristara azon krafiayá ; nume ristanik yo tid ikuzapas voxe metan vaon vinur ! sin kev tizuca ke ristasik yo zo ralentad nume metan vaon vinur !
  2. Nume krupteyé da awalkeyes awalkik tir lokalaf dam blis blisik,
  3. ise da tan kruldetes kire men wiyis va moaskina skujunaca tir lokalaf dam bettan.
  4. Wiyí da kota kobara isu kobaradeksuca anton tir lijkuca ke tan varze artan. Tid isafa greciaca is sukonkara.
  5. Volpeztorik nubagamdar ise va intaf cot estur.
  6. Tildeweson kotrafa ma lodam kobason kotraf meem is sukonkara.
  7. Va ara moaskina greciaca krafiayá.
  8. Mantan tir antaf is lotinikiskaf, va mek nasbeik isu berik dí voxe neke intafa kobara tiyir teniskafa ise intaf iteem va kulaca yo sojugemeper. Mu toktan kas kle kobá ise bas pojaks va jinafa gloga zelá ? Isafa greciaca is rotaca.
  9. Kottol lodam kontol kire ika intafa kobara va kubanha belcon malpatad.
  10. Kire ede kontol luber artol vaon dimmadar ; vexe volkaluca pu tan tis antaf is lubes medison va artel pomas !
  11. Milinde, ede kottol belcon ilad iduleted ; voxe tan tis antaf tokinde iduleter ?
  12. Ise ede kontan tir lopof dam kontol, kottol vaon grupacagir ; ise barfemkiraf wazdel tir medrikon rojoan.
  13. Wawaf is utcoraf rumeik
    lodam guazaf is volpeztoraf gazik
    mea gruterktas va boy ;
  14. kire ta gazara rotir savsaf flintik,
    ike koe intafo gazaxo nasbalayar wawaf.
  15. Va kot blisik lanis leve awalt is tis aname rumeik radimi gazik ikaon gazatas wiyí.
  16. Meka tena ke bate sane is kote inon gazane sane tiyir. Soe, kot gazik radimion titis icdeon me wiveter. Kire dere tir greciaca is sukonkara.
  17. Va intafa nuga obral viele va mona ke Lorik kolanil ; ta da terktal lodame va wetara va volpeztorik firvil vanlanil, kire battan me gruper da rotur.

  Xanto  
Vergumvelt Biblia, Vetus testamentum
Sutesik Katalikafa Uja
Piskura Vulgate siatos
Ava Latinava
Evla
  Kalkotavara  
Vergumvelt Biblia, Guazafa Bafela
Kalkotavasik Mixail Kostov
Piskura -
Evla 2001
  Krentduga  
Webesik Troubadour
Krentduga Image: 75%.jpg Gotuenana


Kristevafa Biblia : Guazafa Bafela

Koxelet neva

← Koxelet 3 - 4-eaf blokey - Koxelet 5  →

Ara ava se