Biblia Koxelet Blokey01

Teliz mal Wikikrenteem.

Grablé kal exulera, aneyara

Kristevafa Biblia : Guazafa Bafela


Koxelet neva, taneaf blokey

  1. Pulva se ke Koxelet, nasbeikye ke gazik ke Yerucalayim David.
  2. Greciaca vanmiae greciaceem, Koxelet kalir, greciaca vanmiae greciaceem, kotcoba tir greciuca.
  3. Tok gunt pu ayik ika inafa zegara leve awaltara zilidur ?
  4. Tana oxila malpir, ara artpir voxe Tawava kotugale sotir.
  5. Sotidawaltar, sotitawaltar ; awalt icde xo lizu sotidawaltatar repaler.
  6. Geon az lenton sosukar ; azon arnion sosukar aze geon az lenton sosukar.
  7. Kot bost sokobirawer voxe bira me zo tukotrar ; wan kalar liz titar.
  8. Kota coba kaik merokaline sokaskir ; ita sowir ise oblaka sogilder.
  9. Coba tiyisa num titisa,
    ise coba askiyina num askitina,
    meka warzaca leve awaltara.
  10. Ede tir coba kalina : Va batcoba wil, warzafa ! bata coba lekeon abdion ixam kruldeyer.
  11. Min icde savsaca me setiket ; voxe coba sokitina pu tel ilion blitis va setikera me isketer.
  12. Jin, Koxelet, gazik ke Yerucalayim al tiyí.
  13. Ta aneyara is bralara kan proyuca va kotcoba askina leve kelt va jinafa takra al rewá : tir portafa kobara koaykana gan Lorik pu nasbeikeem ke ayik.
  14. Va kotcoba askina leve awaltara al wí ; voxe batse, kotcoba tir greciuca is sukonkara.
  15. Livaca tir mesoranhesa,
    ise leaca tir mesopatana.
  16. Jin koe takra al kalí : Batse, al tumilgawé ise va abdif kottan felileyes va Yerucalayim icde proyuca al kaiká, ise jinafa takra va jontika proyuca isu opa al wir.
  17. Ta grupera va proyuca is fituluca is oviskuca va takra jin al rewá ; al vangrupé da batcoba dere tir sukonkara.
  18. Kire kan proyapuca min nigepet,
    ise tan vones va intafa opa loloon kranaver.

  Xanto  
Vergumvelt Biblia, Vetus testamentum
Sutesik Katalikafa Uja
Piskura Vulgate siatos
Ava Latinava
Evla
  Kalkotavara  
Vergumvelt Biblia, Guazafa Bafela
Kalkotavasik Mixail Kostov
Piskura -
Evla 2001
  Krentduga  
Webesik Troubadour
Krentduga Image: 75%.jpg Gotuenana


Kristevafa Biblia : Guazafa Bafela

Koxelet neva

← — - 1-eaf blokey - Koxelet 2  →

Ara ava se