Beya se ke tcabanhesik

Teliz mal Wikikrenteem.

Grablé kal exulera, aneyara

Beya se ke tcabanhesik
Siniaf reiz
  Xanto  
Vergumvelt Les ruses du chasseur
Sutesik Feng Xuefeng
Piskura -
Ava Siniava
Evla -
  Kalkotavara  
Vergumvelt Beya se ke tcabanhesik
Kalkotavasik Sabrina Benkelloun
Piskura -
Evla 2007
  Krentduga  
Webesik Sab
Krentduga Image:75%.jpg Gotuenan


Wocol va idatcol sokivar, idatcol va jaktol sokivar, jaktol va rupolap (va tel lozugaf sulem) sokivar. Dem oria besanafa gu abrotcaf im yo, mo vadimeinheem ranheson avlas, in tir zulton pof ise va ayik dere rodilfur.

Koe geexo ke Chu soka tcabanhesik bliyir. Kan diuzval va jontika sulemieinda grumilaskiyir. Gison va tra is yootafa furutsama lize konak reliez cwaweyed, ko mevtava in gilaniyil ise va rozara ke wocol milaskiyir. Folison da tan berik tiyir, wocol yo artvulteyed nume tcabanhesik kan teyanafa tceka se vaon atayar.

Konviele, gildeson da in va wocolie milaskiyir, idatcol ve vanvulteyer. Tcabanhesik, kovudan, ve jaktolieyer. Idatcol ve otceyer volse jaktol ve awiyir. Kovudapan, ayik va bulara ke rupolap ve milaskiyir. Jaktol ve ilvulteyer vexe, folison da tan milik tiyir, granaf rupol ve artlaniyir. Trasison va opelaf ayik, vaon ve ipeyer ise papteyer aze estuyur.

Batugale ware, tan tcafaves lodam va int zinulas, jekuson va bali milafi gu teli ke tcabanhesik, kotviele sojiadawer.