Arintasielon ben sul laniyí

Arintasielon, Gada, ben sul laniyí
enide, Gada, va kaliaf okol ulidiná.
Batlize, Gada, va oyikya kakeveyé :
va lava lirder, Gada, va gexata tcater.

Jin, Gada, kaliyí : « Mielkiavá »
inya, Gada, pu jin me dulzeyer,
ise, Gada, va jin me itumayar,
ise, Gada, va jin me takumayar.

Inya, Gada, mo epita va abda madayar
ise, Gada, mallaniyir ;
ve tiyí, Gada, gabentapaf,
mo okol, Gada, lakiyí, varzayá ;

va in, Gada, ist kelda vebiduyú,
aze mou inafa epita va abda tiolteyé,
aze mo sid, Gada, plekuyú ;
aze kan nuba, Gada, va inya nariyí,
aze mo okol, Gada, mimayá,
aze denon, Gada, malstayá !