Apendi dene Uzbekikeem : Namulol mefudjes va wetara

Teliz mal Wikikrenteem.

Grablé kal exulera, aneyara

Apendi dene Uzbekikeem : Namulol mefudjes va wetara
Kirgizafa kuda


Bonafi Apendi koe dolexo va namulol ta Wetarakapa lusteyer. Dume va in me lajutulanisayar, ton fortey is lava furoveyer enide in abdulaniyir aze tenion vewayar da va nuga moi nuga aykar. Lanisik eruyur :

– Beradositik, tokdroe va bat namulol al lustel ?

– Ex fanik, tokinde inafo dro va rin rodulapar ? Va inafa vektara loon erul !...

– In tir lorotaf dam bulol.

– En, en, arse.

– Tokdume ?

– Dure bat namulol al tumekarawer : va wetara me fudjer. Dimdolel aze va ar lustel !

Bonafi Apendi ve guerinveweyer. Va kimtaf namulol ko dolexo dimjupayar aze zegapason dimdoleyer aze va ar ikaon lusteyer. Bat in tiyir lorotaf dam ban, dace lovudesaf. Ware Apendi va jupara flecur aze va mil lanisik kozwir.

– Ex, tok bat in tir ? battan erur.

– Ax fanik, me laxukalí ! In arse tir lorotaf dam tel abdif, bonafi Apendi kaliyir.

  Xanto  
Vergumvelt Apendi chez les Özbeks : Un mouton impropre au sacrifice
Sutesik Rémy Dor
Piskura Flies Editions
Ava Francava, malkirgizavaks
Evla 2010
  Kalkotavara  
Vergumvelt Apendi dene Uzbekikeem : Namulol mefudjes va wetara
Kalkotavasik Yurani Andergan
Piskura -
Evla 2011
  Krentduga  
Webesik Yurani
Krentduga Image:100%.jpg Tuenayana

Klita is fineyeso piskusikafo internetxo : Flies France Editions