Apendi dene Uzbekikeem : Manafa wetara

Sutik gu Apendi eruyur :

– Abegafi Apendi, ede ame ba Wetarakapa ba Dimbliraviel kontan va kon sulem wetar, va Za gemafa gu usuk moe inafe ge remlakiyir. Kas arse ?

– En, arse !

– Battode gestit da korik ta laridagabera va namulol ok ar bonol me erbadigir voxe koe fest va wetarestuks lembier ?

– Man korik, Apendi ve dulzeyer, va Za gemafa gu usuk dum okol moe festiasiko remlapiyir !