Apendi dene Uzbekikeem : Jara

Konviele Timur Leng do Apendi va Mucel doca keyaksepeyer. Apendi va ilana patavayar nume kaliyir :

– Rinaf docilanacek tir tel ke Vakol.

Timur gazik kevotceyer :

– Olgalicusik grupen ton krapol ke varafe tame, tokinde arse co-rotir « vakol » ?! Loon is meroklason tolpatanhal : ape, Kraimol awitir.

Apendi ve dulzeyer :

– Va bat a zoltera pu rin tiavé : rin zavzal ke Vakol ilanacek, ise pu jin odial da sanegarú : rinaf docilanacek vanpitir tel ke Fuzol, jiomik !