Alphonse Allais

Teliz mal Wikikrenteem.

Grablé kal exulera, aneyara
Alphonse Allais
1854-1905
Francavaf suterotik isu brusik


Alphonse Allais tir francaf felasutesik is suterotik is brusik. Ba 20/10/1854 koe Honfleur (Normanda gola) koblir aze ba 28/10/1905 koe Paris mulufter.

Nazbeik ke selaxopik, Alphonse Allais va gadikyefa joya taneon radimefir. Vexe inafa silpafa anda va mana exava katijir : batdume ko Paris mallapir enide di vayar. Kalion, nobara ke yikye kunte ravera va ugal mokereled. Tulon gu Charles Cros nik va ksevafigasuteropa yawar aze va feleba lomegar.

Bam va yona ferimafa negama, tulon tori Gil Blas fela isu Le Journal, sutelar. Va batyona remi 1890 sanda ko larma lospar, i ko tulon À se tordre larma azu Vive la vie azu Amours, délices et orgues.

Isti Belle Époque sare, Alphonse Allais va foktafa is metarkasa sutera nuleckesa va glastedikeem voner. Inafa jekura va solovuca vey Captain Cap- koredik tulon viwazewer. Alphonse Allais va jontika holorime ezla (kot blok va dokotuca ke sokuda tadler) is yona nega waljoana gan tenukera ennumetikisa va arak ke rupa dere suter. Vexe kake foktafa sutera, Allais va lana rotatrakureva icde tamava muxar.

Bak 1905 golde rizafa riyura awalker, darevielon abdikaliyison, nuve.

Ozwaks

Alphonse Allais vey jontik inaf ozwaks dere zo grupecker.


Alphonse Allais

Alphonse Allais
 Blira 1854-1905
 Ava Francava
 Suterind Bruca, Ozwaks
  Suterot

Bracak

  • À se tordre (1891)
  • Vive la vie ! (1892)
  • Pas de bile! (1893)
  • Le parapluie de l´escouade (1893)
  • Rose et vert Pomme (1894)
  • Deux et deux font cinq (1895)
  • On n'est pas des bœufs (1896)
  • Le bec en l´air (1897)
  • Amours, délices et orgues (1898)
  • Pour cause de fin de bail (1899)
  • Ne nous frappons pas (1900)
  • Le Captain Cap. (1902)