Alexandre Dumas

Teliz mal Wikikrenteem.

Grablé kal exulera, aneyara
Alexandre Dumas
1802-1870
Francavaf suterotik



« Til loon dam suterotapik, til tano po ke tuwava. » Michelet


Alexandre Dumas ba 24 ke pereaksat ke 1802 koe Villers-Cotterets koblir. Nazbeik ke divervoliayan sokasanef tolzaavaf jadiwik awalketes bak 1806, estobason va intikeem ko sutuca.

Dumas va welmafa tazukara anton kazawar nume jotapaf gokobar. Moi tcicesikugal dene adluteik, ko Paris ta aneyara va tufa bak 1823 artlapir, etrakfimaf gu levrotira va kelu. Bak radimifa tanda, inafe divkurerafe nazbeikye, ke Catherine Labay asadasik, Alexandre Dumas nazbeik koblir. In bak 1831 rokakagrupeter nume va sura yoftutur.

Suteptik ke Orléans dacik, va yon blok isu "vaudeville" drunta suter. Zirsena koe Théâtre-Français bak 1829, Henri III is aboyikeem drunta va xultap pu in vodatar. Vani jontike arge koe Palais-Royal, Dumas vanpir toleaf nevakik ke Orléans dacik.

Bak 1830, antaf ke berpotevikeem, ton tafa seramuca va Artowara ke Pereaksat tegison paker. Va goaxe ke Soissons koilkar aze pu La Fayette erur da bantan ko Vendée va in stakser. Beyolakolon akoler voxe fraskewer. Torigijin gan rictaga, ko Swiza mallapir (Yon koyaralit bak 1833-1837).

Bak konaka radimifa tanda, saneg va inafa wenya riwe miltafa dam tela ke Victor Hugo krupter. Bures va jontika rogaja is stas va zekapasa is ristafa blira vanmiae jontika fertikya, in va yona piza isu buska korodar, erbawapason is ixalapason. Va berpot gavemon artfir, klabuson wal klaamialukaf ind (Isabel de Bavière, 1835) is divrozara va savsavafa tamava (Acté, 1838).

Bak 1838 ko Belga az keno Rhein bost do Nerval mallapir. Va Maquet vanpitis nelkaf dokobasik kakever. Sin va konaka skulta sanegad, ise, belcon, va tela pakavanya ke grabom ke Dumas sandon warzed. Ina koe bornay ke Walter Scott rundawer, dem lea pimtara isu suterotafa espura, ledagvavafa berpoteva, is dem loa daava koe tegira. Tanefa kiewatca tir Baroy lofrik (1844) az fure Arti tolsanda (1845) az vanion Bragelonne Veytremkik (1850), ton bat vartaf "seila is dug" martig dem abica bula egayana gan Sue. Belisik va batcoba klokad, is va yonar izvaf berpot ke Dumas-Maquet tolaskis va izva ke Franca kan yon tcalapas koredik : ke XVI-eafa decemda (Margot Gazikya 1845 ; Monsoreau Lamoneikya 1846 ; Balem-sanoy ayik 1848) ; ke tena ke XVIII-eafa (Maison-Rouge Okoldik 1846 ; Joseph Balsamo 1848 ; Flek ke gazikya 1850 ; Ange Pitou 1851). Pilkovafa miwa tori Monte Cristo Biptik berpot (1846) aykas va veypumkaf levmalyesik koe witafa xuta. Neva pu Dumas va tufa vanburer, va tufa ixalatana ta vegedura va dimblirugalafe lamone koe englakoraf gerd. Ta taneastera, Dumas va tev-decemoy korik ganer. Dum Balzac titir ristaf is kotabliron erbiskaf. Erura va yona inafa skulta tir manote in va jontik dokobasik kozdar. Vexe inafa fa zavzar mila.

Bak 1848, Dumas koe "Le Mois" intafa fela va yona intafa gaderopafa is yambafa rieta kevrojur. Bak lerdeaksat va krinanikeba koe Seine et Oise kola isu Yonne frubder voxe me di zo libur. Moi sokatrovgara ke 02/12/1851, dum Hugo is Sue, va int divblir. Ko Paris vanion di dimlapir vexe berpot kaiki 1850 va po ke lo suterot ke 40-e sanda mea digid.

Bak 1851 Dumas, rawayan, ko Belga ta yatera il warzafa vertuma is yon diotexik va int divblir. Bak radimifa tanda, malyera va inafa tinera tiyar. Tel lokiewaf suterot zavzar inafo Namio (1852-1854), izvaf berpot dem divdomasi bli, kolnas aname inaf koredik. Bak 1853 krede erbafa rolona do rostasikeem ko Franca dimlapir.

Kaiki jiz kev Maquet bak 1857-1858 icde sinaf dokobaraf suteroteem, Dumas ko Rossia az Kavkaza mallapir. Va konaka koyara koe Italia bokar lize balemdon ugalzer (1860-1864), az ko Germana is Ostera. Mali 1869 Dumas pester akolaf is kuncanaf. Tel ayik sugdayas va 500 karba ba 5 ke santoleaksat ke 1870 koe Puys poke Dieppe dene nazbeikye awalker. Koe Villers-Cotterets fawokon zo kotawar.



Alexandre Dumas

Alexandre Dumas
 Blira 1802-1870
 Ava Francava
 Suterind Berpot
  Suterot

  • Henri III et sa cour (1829')
  • La Tour de Nesle (1832)
  • Catherine Howard (1834)
  • Souvenirs d'Antony (1835)
  • Kean ou Désordre et génie (1836)
  • Piquillo (1837)
  • Caligula (1838)
  • La Salle d'armes (1838)
  • Le Capitaine Pamphile (1839)
  • Mademoiselle de Belle-Isle (1839)
  • L'Alchimiste (1839)
  • Aventures de John Davys (1840)
  • Praxède (1841)
  • Le Corricolo (1842)
  • Le Chevalier d'Harmental (1842)
  • Les Demoiselles de Saint-Cyr (1843)
  • Un Alchimiste au dix-neuvième siècle (1843)
  • Les Trois Mousquetaires - Baroy lofrik (1844)
  • Le Château d'Eppstein (1844)
  • Amaury (1844)
  • La Reine Margot (1845)
  • Vingt Ans après (1845)
  • Le Comte de Monte-Cristo - Monte Cristo Biptik (1846)
  • La Dame de Monsoreau (1846)
  • Le Vicomte de Bragelonne (1848)
  • La Régence (1849)
  • Les Mariages du père Olifus (1849)
  • La Femme au collier de velours (1850)
  • La Tulipe noire (1850)
  • Le Comte de Morcerf (1851)
  • Scènes de la vie révolutionnaire (1851)
  • La Comtesse de Charny (1852)
  • Ingénue (1853)
  • Mes Mémoires (1854)
  • Le Marbrier (1854)
  • La Conscience (1854)
  • Une Vie d'artiste (1854)
  • Saphir (1854)
  • Les Grands Hommes en robe de chambre (1855)
  • Henri IV (1855)
  • Les Mohicans de Paris (1855)
  • Journal de Madame Giovanni (1856)
  • L'Orestie (1856)
  • Les Compagnons de Jéhu (1857)
  • Black (1858)
  • Contes pour les grands et les petits enfants (1859)
  • Herminie et Marianna (1859)
  • Le père Gigogne contes pour les enfants (1860)
  • La Marquise d'Escoman (1860)
  • Jane ; La Boule de neige (1862)
  • La Princesse Flora (1862)
  • La San-Felice (1865)
  • Les Blancs et les Bleus (1867)
  • Parisiens et provinciaux (1868)
  • Robin Hood le proscrit (1873)
  • Grand dictionnaire de cuisine (1873)
  • Propos d'art et de cuisine (1877)