Abu Nuwasi va intafa mona doler

Teliz mal Wikikrenteem.

Grablé kal exulera, aneyara


Abu Nuwasi va intafa mona doler
Kenyafa kuda
  Xanto  
Vergumvelt Abu Nuwasi vend sa maison
Sutesik -
Piskura -
Ava Swahiliava
Evla -
  Kalkotavara  
Vergumvelt Abu Nuwasi va intafa mona doler
Kalkotavasik Bruno Cordelier
Piskura -
Evla 2007
  Krentduga  
Webesik Bcordelier
Krentduga Image:75%.jpg Gotuenan


Abu Nuwasi mu int va vegemkirafa mona al vegeduyur. Al gorayar da koe sidot irubar nume pu dolekik va vegem al doleyer. Arti konaka tanda ve gorayar da ta blira koe abrotcafa widava va mona bulur.

In pokoleyer da dolekik ixam digis va vegem, va dolera va intaf sidot co-naler. Batcoba co-nover da Abu va warzafa mona arlize rovegedur. Vexe totcidaf dolekik va dragera ke Abu Nuwasi ve vewayar. Trakuyur da Abu va lustesik me di co-trasiyir nume co-bulutur ise va zavzaks ke mona faston co-isketer.

Radimi warzafa yawajara ta parloera va dolera va mona do dolekik, Abu ko widava ve mallaniyir. Do san-toloy ayik diveon zavzas dimlaniyir. Ve tidlaniyir ta da va dolekik wir aze kaliyir : « Va rin walzé, oye da va dolera va jinafi monaki al rodjé, va konak ayik pomatas va jin ta inafa vilara su kokobá. Va batcoba opelon djukalí ta da va giwara va rinafi monaki rotaskil.

Denon dolekik ve boybetayar nume kare tozafo dro va lustera va sidot ve gorayar. Abu va widava bam robuluyur dum al abdiwiyir.