Luís Vaz de Camões

Luís Vaz de Camões

1525-1580 Portugalavaf ezlik

Luís Vaz de Camões koe Lisboa bak 1525 lanon koblir. Tir nazbeik ke Simão Vaz de Camões, oluazanisik koe Gazaxe pasus va galiciaxantafa yasa, is Ana de Sá Macedo kou Santarem. Icde inafa jotuca abicon zo gruper. Yoke inafa pulukafa araya, in zo seriur da koe Coimbra kotla al lanon vayar. Bak 1547 ko Magriba wetce sayakik mallapir. Batlize va roneita drasur. Kaiki dimlapira ko Lisboa, sakion blir. Bak 1552, larde va Gazaxeoluazanisik al bakayar, in zo koflintar. Divflintayan ba 13/05/1553 arti sanka ta Roneka kototawer. Wali 1556 is 1560, in koe Macao soker aze va Moluka tursia worar aze koe Kwantung jonvieler. Kene Kamputcea bopelawer, aze, artlapison va Goa tapedon landume zo koflintar, aze arti tolda ok barda zo tunuyar. Mali 1564, va dendara ke dom Antão de Noronha warzaf ikagazik impavantar. Bak 1567 va dimkoyara van Lisboa bokar. Radimi abrotcifa soktara koe Mozambika, ba 07/04/1570, ko Lisboa erbiskapon artlapir. Remi koyara va Os Lusiadas intaf vartaf kind al suter aze bak 1572 koe Lisboa vaon rubiar. Pu Sebastião jotaf gazik va bat tarizar acum ganon zo turwimir inde kali awalkera moron di blir. Inaf suteroteem loon dam bat kind tir. Camões va yona wenyaxa isu ezla dere al warzer, va grabom askis da tir ezlikany ke intafe sare. Ba notrara va intafo vo gan España in awalker. Nekev intaf abdumimaks ke Parnassos, Camões va mekara ropiskutuna ezla iskeyer.

Luís Vaz de Camões  Blira 1525-1580  Ava Portugalava  Suterind Ezlopa   Suterot Os Lusiadas (1572) Canções Eclogas Elegias Epigramas Odes Oitavas Redondilhas Sextinas Redondilhas

wp-de:Luís_de_Camões wp-en:Luís_de_Camões wp-es:Luís_de_Camões wp-eo:Luís_Vaz_de_Camões wp-fr:Luís_Vaz_de_Camões wp-it:Luís_de_Camões wp-nl:Luís_de_Camões wp-pt:Luís_de_Camões wp-ru:Камоэнс,_Луис_де wp-sw:Luís_de_Camões wp-tr:Luís_de_Camões