Jack London

Jack London

1876-1916 Englavaf amerikaf suterotik

Ba 12/01/1876 Jack London koblir. Inaf ageltaf yolt tir John Griffith, nazbeik ke Flora Wellman is gadik me djukagrupeyes va in. Arti konak akstat kaiki nazbalara, gadikya di kurer va John London zornatas va gadayordanya. Batinde velaf John yoltbetatar ise vanpitir Jack enide amidaca tir varze gadikye. Wali 1880 is 1892 mone San Francisco London yasa irubar ise batugale Jack tulodontinawer ise koe konaka exava kobar. Koe gaeziaxe kobar ; lustera va italtiv va in gu orekrellakesik artazukar. Dere batugale in va sutera belitir. Bak 1893, Jack ta tcabanyera va spedol kene niponaf krimteem va int kototar. Inafa taneafa nega Zivotc kene Nipona ganon zo koswar ise gu poradro gan San Francisco Fall fela zo gableter. Azon koo United States is Canada keldutur. Dere batugale vanpitir seltevik ise ko Berkeley kotla zo dosteter. Bak 1898 va kotla Jack London jovler aze va moavipera paker. Va intafa koswaraklitanya bam trasitir, koe uzera do yon sulemtcabanyesik iku moavaneyasik iku indiik, aze berpot va The Son of the Wolf kiewatcaf sanegatar. Porfeon va Elizabeth Maddern kurer aze va toloya nazbeikya ditir. Bak 1902, Jack London ko London mallapir aze do yon wawaf kobasik isu moniskik baraksaton ugalzer. The People of the Abyss neva titir vrutara va bata rekola. Moifa tanda titir tela ke sanegara va The Call of the Wild kiewatcapa. Jack London solkureter aze va Charmian Kittredge di tolkureter. Azon va The Sea-Wolf suteter. Bak 1905 Korea geja tir ise Jack vanpir gejadogolesik vexe bak teveaksat gan nipona zo divpatecatar. Va toloy berpot battandon sanegatar : va War of the Classes titis cugunaykafa kiewatca isu White Fang. Bak 1907, va Snark tota volmiv vegeduyuson, Jack London va tamavanamlapira azavzawetesa koe Australia bokar. Batlize koe Sydney bwakolamejeson zo koropexoatar ise va Martin Eden suteter. Tir 1909, Jack tir akolaf, va Snark jovleson, ko California dimlapir. Azon va reda viunsutur aze bak 1913 ko koyara van Horn Evilma tollapitir. Sanegara va South Sea Tales is John Barleycorn is The Valley of the Moon. Bak 1916, koe Vera Cruz bakamon gejadogolesik titir aze koe Hawaii konakaksaton jonvieleter. Ba 22/11/1916, tison balemdaf, vamosin is koruyataweyes, goaspilajon awalker.

Jack London  Blira 1876-1916  Ava Englava  Suterind Berpot   Suterot The Son of the Wolf (1900) The God of His Fathers & Other Stories (1901) Children of the Frost (1902) The Cruise of the Dazzler (1902) A Daughter of the Snows (1902) The People of the Abyss (1903) The Call of the Wild (1903) The Kempton-Wace Letters (1903) The Sea-Wolf (1904) The Faith of Men & Other Stories (1904) The Game (1905) Tales of the Fish Patrol (1905) War of the Classes (1905) Moon-Face & Other Stories (1906) White Fang (1906) Before Adam (1907) Love of Life & Other Stories (1907) The Road (1907) The Iron Heel (1908) Revolution and Other Essays (1909) Burning Daylight (1910) Lost Face (1910) The Abysmal Brute (1911) Adventure (1911) South Sea Tales (1911) The Scarlet Plague (1912) The House of Pride & Other Tales of Hawaii (1912) The Valley of the Moon (1913) John Barleycorn (1913) The Night Born (1913) Martin Eden (1913) The Cruise of the Snark (1913) The Strength of the Strong (1914) The Mutiny of the Elsinore (1914) The Star Rover (1915) The Little Lady of the Big House (1916) Jerry of the Islands (1917) Michael, Brother of Jerry (1917) The Red One (1918) On the Makaloa Mat (1919)

wp-de:Jack_London wp-en:Jack_London wp-es:Jack_London wp-eo:Jack_London wp-fr:Jack_London wp-it:Jack_London wp-nl:Jack_London_(auteur) wp-pt:Jack_London wp-ru:Джек_Лондон wp-tr:Jack_London