https://www.europalingua.eu/bad_wikikrenteem/index.php?action=history&feed=atom&title=LA_Biblia_Nasbal_Blokey05LA Biblia Nasbal Blokey05 - Betarizvot2026-05-14T06:27:03ZBetarizvot va batu wikibuMediaWiki 1.25.1https://www.europalingua.eu/bad_wikikrenteem/index.php?title=LA_Biblia_Nasbal_Blokey05&diff=3291&oldid=prevTroubadour koe 12:26, 22 balemeaksat 20082008-04-22T12:26:37Z<p></p>
<p><b>Nouvelle page</b></p><div>==Liber Genesis 5==<br />
<br />
<poem><br />
1 Hic est liber generationis Adam. In die qua creavit Deus homi nem, ad similitudinem Dei fecit illum.<br />
<br />
2 Masculum et feminam creavit eos et benedixit illis; et vocavit nomen eorum Adam in die, quo creati sunt. <br />
<br />
3 Vixit autem Adam centum triginta annis et genuit ad similitudinem et imaginem suam vocavitque nomen eius Seth. <br />
<br />
4 Et facti sunt dies Adam, postquam genuit Seth, octingenti anni, genuitque filios et filias. <br />
<br />
5 Et factum est omne tempus, quod vixit Adam, anni nongenti triginta, et mortuus est.<br />
<br />
6 Vixit quoque Seth centum quinque annos et genuit Enos. <br />
<br />
7 Vixitque Seth, postquam genuit Enos, octingentis septem annis genuitque filios et filias. <br />
<br />
8 Et facti sunt omnes dies Seth nongentorum duodecim annorum, et mortuus est.<br />
<br />
9 Vixit vero Enos nonaginta annis et genuit Cainan. <br />
<br />
10 Et vixit Enos, postquam genuit Cainan, octingentis quindecim annis et genuit filios et filias. <br />
<br />
11 Factique sunt omnes dies Enos nongentorum quinque annorum, et mortuus est.<br />
<br />
12 Vixit quoque Cainan septuaginta annis et genuit Malaleel. <br />
<br />
13 Et vixit Cainan, postquam genuit Malaleel, octingentos quadraginta annos genuitque filios et filias. <br />
<br />
14 Et facti sunt omnes dies Cainan nongenti decem anni, et mortuus est.<br />
<br />
15 Vixit autem Malaleel sexaginta quinque annos et genuit Iared. <br />
<br />
16 Et vixit Malaleel, postquam genuit Iared, octingentis triginta annis et genuit filios et filias. <br />
<br />
17 Et facti sunt omnes dies Malaleel octingenti nonaginta quinque anni, et mortuus est.<br />
<br />
18 Vixitque Iared centum sexaginta duobus annis et genuit Henoch. <br />
<br />
19 Et vixit Iared, postquam genuit Henoch, octingentos annos et genuit filios et filias. <br />
<br />
20 Et facti sunt omnes dies Iared nongenti sexaginta duo anni, et mortuus est.<br />
<br />
21 Porro Henoch vixit sexaginta quinque annis et genuit Mathusalam. <br />
<br />
22 Et ambulavit Henoch cum Deo, postquam genuit Mathusalam, trecentis annis et genuit filios et filias. <br />
<br />
23 Et facti sunt omnes dies Henoch trecenti sexaginta quinque anni, <br />
<br />
24 ambulavitque cum Deo et non apparuit, quia tulit eum Deus.<br />
<br />
25 Vixit quoque Mathusala centum octoginta septem annos et genuit Lamech. <br />
<br />
26 Et vixit Mathusala, postquam genuit Lamech, septingentos octoginta duos annos et genuit filios et filias. <br />
<br />
27 Et facti sunt omnes dies Mathusalae nongenti sexaginta novem anni, et mortuus est.<br />
<br />
28 Vixit autem Lamech centum octoginta duobus annis et genuit filium <br />
<br />
29 vocavitque nomen eius Noe dicens: “Iste consolabitur nos ab operibus nostris et labore manuum nostrarum in agro, cui maledixit Dominus”. <br />
<br />
30 Vixitque Lamech, postquam genuit Noe, quingentos nonaginta quinque annos et genuit filios et filias. <br />
<br />
31 Et facti sunt omnes dies Lamech septingenti septuaginta septem anni, et mortuus est.<br />
<br />
32 Noe vero, cum quingentorum esset annorum, genuit Sem, Cham et Iapheth.<br />
</poem><br />
<br />
[[avk:Biblia_Nasbal_Blokey05]]</div>Troubadour