Troubadour koe 16:18, 22 balemeaksat 2008

2008-04-22T16:18:06Z

Nouvelle page

{{TextQuality|100%}}
<div style="margin-top:1.2em;font-size:140%;"> <center>'''Kristevafa Biblia : Guazafa Bafela'''</center></div>

{|width="100%"
|-
|rowspan="4" style="background:#FFFFF5; border:1px solid #F0F2CE; vertical-align:top; padding-left:1em; padding-right:1em; text-align:justify; width:72%;"|

==Nasbal neva, teveaf blokey : Avonanuca ke ayikeem==

<div class="text">
<ol>

<li> Viele moe tawava ayikeem va int toz jonkayar ise nasbeikya al nasbalayad, </li>

<li> Nasbeikye ke Lorik wid da nasbeikya ke ayik tiyid listafa, nume vanmiau konaka sinon kiblana vaon yerumayad. </li>

<li> Bam Felialorik ve kaliyir : « Jinafa swava koe ayik me parmon zavzatar kire ayik anton tir cot ise intaf vieleem titir decem-tol-sanda ». </li>

<li> Batugale moe tawava gulik tiyid, moi da nasbeikye ke Lorik van yona nasbeikya ke ayik al piyid nume sinya va yon nasbeik pu sinye al ziliyid : bak savsugal bat gradilik di tiyid vartaf. </li>

<li> Felialorik ve wiyir da ikoruca ke ayik moe tawava tiyir gijapafa ise kota trakura ke inafa takra va rotuca kotvielon tanon vanayar. </li>

<li> Felialorik ve ireglieyer da va ayik moe tawava al reduyur, nume intafa takra ve zo vanmanhayar. </li>

<li> Nume Felialorik ve kaliyir : « Moe tawava va jinon reduyun ayik awalkopeté, male ayik kale bonol is perake is keltsveri ; kire ireglié da va sin al redú ! » </li>

<li> Vexe Noe gan Felialorik ve zo kaydeyer. </li>

<li> Tir veynasbeikeem ke Noe : Noe tiyir malhik is jabudik bak intafe sare ; Noe do Lorik laniyir. </li>

<li> Noe va baroye nasbeikye ve nasbayar : va Sem is Cham is Iapheth. </li>

<li> Sedme Lorik tawava tiyir avonanafa, tawava tiyir dem jontika tizuca. </li>

<li> Lorik va tawava ve disukeyer, ise in tiyir avonanafa ; kire kot cot va intafa joya moe tawava al avonayar. </li>

<li> Bam Lorik pu Noe ve kaliyir : « Tena ke kot cot gan jin zo azavzar ; kire sin dem tizuca va tawava al tukotrad ; acum, va sin is tawava fu vilá ! » </li>

<li> Va kotarn kum djokaalinta ial ; va bat kotarn bridon rabandetel ise kan violt keveon is kakeon storlatal. </li>

<li> Batinde askitil : kotarn titir abrotcaf gu bar-decemoy ladavacek is mantaf gu alub-sanoy is ontinaf gu bar-sanoy. </li>

<li> Koe kotarn va dilk ontinaf gu tanoy ladavacek askitil ; vakrile kotarn va tuvel exonetel ; ise va vlevef vegem isu toleaf isu bareaf vegedutul. </li>

<li> Luxe jin, enide kot blis cot leve kelt zo vilar tit tawava va lavasoist fu koimpá ; kotcoba moe tawava xonukatar. </li>

<li> Vexe do rin va kogluyara exoné ! rin is nasbeikyeeem is yerumanikya is kota nasbeikafa yerumanikya, va kotarn kolanitic ! </li>

<li> Ke kot blisikeem, ke kot cot, askitil da toloy blisik ke kota katca va kotarn kolanir, nume sin do rin blison zo videted : ayedikye is ayedikya titid. </li>

<li> Va sveri kare inafa katca is bonol kare katca is perake kare kota katca ke tawava, sotre toloy ke kota katca, do rin pitid enide va sinafi bli videl. </li>

<li> Ise rin, va abickot rotestun blot aze poke int vaon eksal enide batcoba mu rin is dere sin va sinka zanudatar. » </li>

<li> Noe batinde askiyir : va kotcoba dirgayana gan Lorik skuyur. </li>

</ol>
</div>

|style="vertical-align: top;"|
{{Krent_Iyelt
| xanto_vergumvelt = '''Biblia, Vetus testamentum'''
| xanto_sutesik = [http://www.kotava.be/xadola/pmwiki.php?n=Rekluexo.KatalikafaUja Katalikafa Uja]
| xanto_piskura = Nova Vulgata siatos
| xanto_ava = [http://www.kotava.be/xadola/pmwiki.php?n=Rekluexo.Latinava Latinava]
| xanto_evla =
| kalkotavara_vergumvelt = Biblia, Guazafa Bafela
| kalkotavara_kalkotavasik = Mixail Kostov
| kalkotavara_piskura = -
| kalkotavara_evla = 2002/2008
| webesik = [[Favesik:Troubadour|Troubadour]]
| krentduga = [[Image:Compare.jpg]] Tuenayana
| kseva1 = #E23030
| kseva2 = #FF7979
}}
|}

{{Teza:Biblia_krent
| biblia_neva = Nasbal neva
| blokey_blokey = 6<sup>-eaf</sup>
| blokey_abdueblokey = [[Biblia_Nasbal_Blokey05|5<sup>-eaf</sup> blokey : Veynasbeikeem ke Adam]]
| blokey_radimeblokey = [[Biblia_Nasbal_Blokey07|7<sup>-eaf</sup> blokey : Vamolavara]]
}}

[[Loma:Alkakrent|Nasbal Blokey06]]
[[Loma:Biblia|Nasbal Blokey06]]

[[la:LA_Biblia_Nasbal_Blokey06]]

Biblia Nasbal Blokey06 - Betarizvot

Troubadour koe 16:18, 22 balemeaksat 2008