Wikikrenteem - Contributions [avk]

Kera mevtava

2008-07-13T21:29:46Z

Nguyen Tanh: Vietnamafa vunda

{{TextQuality|50%}}
<div style="margin-top:1.2em;font-size:140%;">
<center>'''Kera mevtava'''</center></div>
<center>''Vietnamafa vunda''</center>

{|width="100%"
|-
|rowspan="4" style="background:#FFFFF5; border:1px solid #F0F2CE; vertical-align:top; padding-left:1em; padding-right:1em; text-align:justify; width:72%;"|

Lekeon, koe wida ke tidegola, toloy gadikiskik bliyid, battan tolsandafe oyikye is bantan inafa nemon perdafa berikya. Larde tiyid antaf koe tamava, mu sint tiyid kotcoba. Konviele, remlanis baliopik pu oyikye balirupeson kalir :

« Ede me roklá, golde winaf viel ke koblira isu bartiv, rin va berikya balion kuretel. Mecoba va winaf balisalt rodanteter ».

Olhasten gan bata eaftafa abdikalira, kotviele in ve gorayar da va berikya atar, drageson da ko aalxo ta intagabera malstar. Impavantason va meobrara ke berikya, kuftason ve balieyer aze ve otceyer. Di gorayar da yoltbetar ise ko Lang Son va int exoner. Jontika tanda di tiyid. Aze va nasbeikya ke kazik ve kureyer. Battan va nasbeikye di ziliyir ise va in tukalayar.

Konviele gazdon, koe koef kusk in va kurenikya turodasa va abrotcaf ebeltaf usukeem is debanhesa leve awaltap ve trasiyir. Ba da mo usukeem levmadason kan ara nuba in loiteyer, in va abrotcafa omza vamoe kapray ve kosmayar. Ziwiden, va lazava ve eruyur. Klabuson az boreson va intafa izva toz pwadeyer.

« Anton tí vanikatcuyuna nasbeikya ke kazik. Gadikiskaf jin do berikye bliyí. Weti san-alubda, megrupenon kondume, in va jin kuftason ve bakayar aze koe aalxo jovleyer. Gan yon drendik ve zo giwayá, dan va jin pu kazik va nasbeikya drasuyus is va jinafa debala saas di doleyed. Jin me grupé inde berikye di vanpiyir ise pebura va inafa volpeztoraca wan tir voldrikafa gu jin. Neke va sint renapayav. »

Kurenikye va kontega ve felileyer aze va yoni cenkasiki icde yolt ke gadikye is berikye is vowida eruyur. Sidjeson vox va mayakafa birga videson, ve tiyir kinokaf ise gan int ve zo tuaklayar. Di sugayar da va kurenikya is nasbeik ilar, impavantason va tixara kexina ta koervoliara is pokoleson da moe meldxo va tunuyara co-trasir.

Mali mallanira, va ageltuca megrupeson, keafa is trobindasa kurenikya keyer. Kotsielon, va nasbeik manariyir aze mo mevtava tidumayar enide va dimpira ke kurenik pitcar. Mali jontika tanda milinde askiyir. Konviele, va mevtava tidlaniyison, puskenafa is ranhesa ton zidatitickas iteem, ve turaporaweyer, yalstafa koe intafa parmafa kera.

|style="vertical-align: top;"|
{{Krent_Iyelt
| xanto_vergumvelt = '''Hòn Vọng Phu'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Vietnamava Vietnamava]
| xanto_evla = -
| kalkotavara_vergumvelt = Kera mevtava
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2008
| webesik = [[Favesik:Nguyen Tanh|Nguyen Tanh]]
| krentduga = [[Image:50%.jpg]] Gotuwadana
| kseva1 = #B79EDA
| kseva2 = #D9BBFF
}}
|}

[[Loma:Vunda]]
[[Loma:Vunda ke Vietnama|Kera mevtava]]
[[Loma:Ayoltaca yo|Kera mevtava]]

Izva va valpok

2008-06-17T11:48:54Z

Nguyen Tanh:

{{TextQuality|50%}}
<div style="margin-top:1.2em;font-size:140%;">
<center>'''Izva va valpok'''</center></div>
<center>''Vietnamafa vunda''</center>

{|width="100%"
|-
|rowspan="4" style="background:#FFFFF5; border:1px solid #F0F2CE; vertical-align:top; padding-left:1em; padding-right:1em; text-align:justify; width:72%;"|

Konviele koe abrotcafa gola ke Vietnama tiyir jotaf budaf is vonaf tawadayik yoltkiraf gu Ngoc Tâm. Kurenikya tiyir Nhan Diêp. Tiyir kafa is menpesa. Kevie kurenikye tise rabudafe is kobase, tiyir vungafa ise va tapega albapayar. Nekevon Ngoc Tâm va kurenik renayar nume ixepeyer. Volfikunton, bata kurera ve jijamayar kire ayikya gazdon laizon ve awalkeyer. Entufaxaweson, Ngoc Tâm me ve jugemeyer da va alto ke kurenik isker ise va kotawara ve tsuneyer. Moi da va intaf kiewegeem al doleyer, do nomulk gerbaltlapiyir ise va nianha megrupeson salton krabeyer.

Konviele, tit kusafa is kofigasa venta gerbalt va in ve vanstayar. Mosidayas, in va patctoy nedis va listuca golde riafa imwa se is aal yo dem jontik amidaf ilt ve kosmayar. Viele va vestara trenayar, va guazik dem abrotcaf batakaf usukeem isu lukastam laizon ve kakeveyer. Wiyapaca is gevasa segayera va guazik kouayad. Batcoba ve noveyer da in gildayar da lenteon tan Xonorlik tiyir. In titon ve pirileyer aze ve dildeyer ta da battan askir da kurenik dimblir. Va in sason, norlik ve kaliyir : « va rinafa fuxa fu rwavé kire rinafa renara isu kranav tid purafa. Vexe pokolé da win stekeon me batcetec ! ». Azon in pu tawadayik ve eruyur da in va nomulk fenkur aze va intaf geltnaav gaber ta da baroya forteybelaxa mo alto ke Nhan Diêp kurenik lubed. Boreon, battel ve itafenkuyur dum ede va modapara buluyur. Intaf poeem kaliapon dimpiyir. Levi mallapira, Norlik va kurenikya ve gukoeyer : « Va kureragonieem me vulkul. Va renara is abidara ke kurenik trakul. Kottol belcon til kalaf ! ».

Soriaf gu dimlapira va ebava, Ngoc Tâm tawadayik lwiyir da afizmielon detcer. Sielon konviele ta eksalustera ve govankriyir. Viele tiyir gracaf, tivap pok tel inaf va int ve ewalzeyer. Pedran gan listuca ke Nhan Diêp, dolekik doon toz prilayar nume tenon brostayar aze van warzafa nia ve vanstayar. Dimpiyis is yatkaf, Ngoc Tâm ve gorayar da va kulaf dolekik onkar. Kaiki konak abrotcif aneyaraf aksat ve kiewaskiyir da vaon katrasir. Va kurenik ve katrasiyir aze puon ve drageyer da in kazokever. Giltis va drikafa blira, battel va bata dragera ve vewayar. Acum icde intafa renara tawadayik ve zo fraskeyer nume pu kurenik ve kaliyir : « Rin til da va jin bulul. Vexe va tela baroya dimbliesa forteybelaxa gimayana mo rinafo alto godimzilil ». Tis kalaf da va intafe akoydafe kurenikye batinde drikapon rodakteyer, Nhan Diêp ve ekeyuyur da geltpuiler. Vexe viele fortey toz traspuyur, in ve awalkeyer. Bata foktafa zivolikya va varafa bulura va tamava me rotrobindayar. Koon ve dimtalayar, va int artazukayason ton bezama kotviele onkasa va Ngoc Tâm ta da va tela baroya forteybelaxa vanstatasa ko ayablira dubier. Kan valpok yolt bat bonolam stekeon zo grupeter.

|style="vertical-align: top;"|
{{Krent_Iyelt
| xanto_vergumvelt = '''Su tich con muoi'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Vietnamava Vietnamava]
| xanto_evla = -
| kalkotavara_vergumvelt = Izva va valpok
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2004
| webesik = [[Favesik:Nguyen Tanh|Nguyen Tanh]]
| krentduga = [[Image:50%.jpg]] Gotuwadana
| kseva1 = #B79EDA
| kseva2 = #D9BBFF
}}
|}

[[Loma:Vunda]]
[[Loma:Vunda ke Vietnama|Izva va valpok]]
[[Loma:Ayoltaca yo|Izva va valpok]]

Imwugal ke rena

2008-06-17T11:48:35Z

Nguyen Tanh:

{{TextQuality|75%}}
<div style="margin-top:1.2em;font-size:140%;">
<center>'''Imwugal ke rena'''</center></div>
<center>''Vietnamafa vunda''</center>

{|width="100%"
|-
|rowspan="4" style="background:#FFFFF5; border:1px solid #F0F2CE; vertical-align:top; padding-left:1em; padding-right:1em; text-align:justify; width:72%;"|

Lekeon grutakirafa listapafa yikya tiyir. Varteyena kan renapara gan guazaf layesik, bas in va inafa skera va kalskunhura al kazawayar. Batinde yikya al vanpiyir tela lokiewafa layesikya ke patcta nume ta lustera va inafa ribiega se lantan yo sumupon piyid.

Wison da intafa skuna kobara tiyir maneke kiewatcafa, in zo felbeyer. Gadikye va ugal is keuca maneke al ektuyur ! Baton, wale nasbeafa rena is exavafa albara, blira ke jotaf layesik traspuyur.

Vexe guazik pezteyer vielvielon tuacawes nume va intafa nasbeikya xuvayar ta da in kurer. Kalaf gu intafa noelafa blira, va mecoba tozion djugildeyer. Azon, va gadikye me djupuidason, turkon ve naleyer, me roviskon…

- Gadikye, larde rinafa kuranira tir mana, kureté. Anton tanon kredatá : jinafa takra mu tel grulayetes va kotunaf lag dem meroroatalene raltuke. Fem en gotitir afriskaf.

Guazik, kalarsaf wison va progenhesa inya, meklabuson ve naleyer. Ko kotrafa gola boreon razduyur da nasbeikya tiyir gokurena ise va tela kreda bazeyer. Jontik espusik bam ve frubdeyed vexe yikya, kotviele levkipesa, rindeyeson va sinaf lay se ise kotviele trasison va konaka afra va sinafa abdugara vewayar. Me keyuweson ta da kurer, gan bata warzafa vefara toz zo relandeyer.

Koe aalxo, antafe yikye bliyir, ke dan antaf dositik yo tiyid sveri is aal. Dere layesik, gan gadikya xonukayasa weti konaka tanda va exava al raveyer.

Nisu va jotafa kuretena layesikya va in ve artayar nume ve trakuyur da boreon dulzer. Me zo kaliyir da inya tiyir listafa is zijnafa ? Vexe yikye boreon gripokoleyer : ede layera va afriskaf lag va in me zvakeyer, kevoke ta seotara va meroroatalene raltuke va birga me grupeyer ! Wison da in tiyir volkalaf, sveri nik vaon ve powayar :

- Va birga zilitisa pu rin va bata yikya en djugrupel ?

- Kax, jinafa swava gan batcoba anton zo kereler voxe men al trasí !... in gripokolenon ve dulzavayar.

- Ten temel ise va jin radimelanil ! sveri ve kaliyir.

In koo aalxo ta kakevera va tana nikya va in aludevon ve vanstayar. Diolikya bam ve kaliyir :

- Ta seotara va aneyana kseva, va kot geltnaav ke rinafa nuba aze iskel da fortey va lay ksevar.

Pokolepeson, yikye ve dimpiyir aze va pirdaks ke diolikya askiyir. Lay va intafa lolistafa kseva ve nariyir ise razduyur da kotunaf lag tiyir. Vexe jotaf espusik va slik fortey al ziliyir nume boreon astirbon ve vanpiyir. Diolikya, mafelasa va inafa takreluca isu giuca, gan sveri ve zo elogayar nume ta grelera piyir.

Nemon griakolayan, va intaf lag, va klaim, pu yikya bam ve bureyer. Battan me loon ve rokrulayar : kseva ke lay tiyir liston raltukaf ise fem tiyir afriskaf. Ostik, yikye tiyir zijnafe is plinafe. Sin va sint boreon ve kureyed aze koe aalxo kalon bliyid. Kirka ke yikye tiyir kotunafa tori jotafa tolonga ise sveri is aal va dositik ke intaf nik kalion vanikatcuyud.

Vexe batcoba tiyir vulkuson va awuzawera ke ar espusik yo. Tan, loriyomes dam artan, ve gorayar da va int jaxadar nume ve rieteyer. Grupeyet da gazik va listafa yikya se karolayar nume viele va tana jugemeyer, mecoba roweyonayar da in va dositik doon askir. Kotkane… Sardjeyen espusik va menpera ke yikya bam siskepeyer inde gazik ve gorayar da ko berm va in davon djugalpeyer.

Impavantason da koe widava kurenikye va sinaf lay se doleyer, gazaf sayakik yo va yikya batenide ve guldeyed. Sveri ve yawapayar da va int walplekur vexe ton meka sa ve zo atayar. Koe gojuca, yikya, ta da va raltukaf klaim layeyen gan kurenik vanburer, nemon ve ugaldiyir. Ba artlanira va berm, ta da icde kiewatca va sopura va gazik walzed, sayakik yo va inya guantamayad. Gripokoleyen is vewas va abdiplekuna enipa, layesik va bat abic verast ve impavantayar nume ve kseyer, kan raltukaf klaim va int rumkason…

Icde bat warzot givanon, gazik ve tuyatkaweyer maneke ve benplekuyur da alto zo konomulkar aze sumon sumapon zo vanstar, ta da in va pulvira icde inya meviele anamgildeter.

Remion, kurenikye kou widava al dimpiyir. Akoyen gan gracuca ke kurenik, va awalkafi sveri boreon ve trasiyir. Aal va sokiyisa coba puon pwadeyer. Nigoviskaf, in tite aal va sveri kotawayar. Azon, laizon koswan, va diolikya ixam tolon agralapon pomayasa denvulteyer. Battan ve pirdayar :

- Til keaf, nik ! Antafi sveri va rin ropomar.

- Vexe in tir awalkaf. Jin vlev aal vaon su kotawá ! in ve evieyer.

- Batcoba tiyir tela lokiewafa gonaskina coba, diolikya ve karavalduyur. Va imwugal kel aze sveri dimblitir. Bam va gonaskine pu rin kalitil.

Gabentafe vox pokolemese, yikye mekeon keyer da fentugal tenuwer. Sveri, ba taneafa imwa se ke imwugal, ba gazda tite aal lize tiyir kotawanafi, ve divmodayar. Katrasira do intaf dositik yo tiyir kontesa vexe kaliapon, pokolepeson, yikye va pulvira ke diolikya ve setikeyer.

- Pu jin kalil, sveri, rin til tel antaf rodimdrasus va jinafa renanikya, ve abreyer.

- Ko berm lanil, sveri nik ve benplekuyur, aze va raltukaf klaim ke kurenikya dinel ! Azon, erutul da xo lize alto dayker pu rin zo bazer ! Viele titil, mo nomulk va klaim plekutul aze ketel !

Yikye van berm boreon ve mallaniyir ise va kotcoba pirdayana gan nik askiyir. Seotayane va klaim, oulon ve etrakayar ise niga moe gexata lingeweyer. Tan sayakik, konten gan gabentuca ke layesik, pu in va xo lize kurenikya daykeyer, bazeyer. Mekeson, in ve tollaniyir ise ta da va mevtava zomer abrotcion abrotcipon laniyir. Tuke bazera se ke susik, va arula lize nomulk al zo jovleyer, volwavdon ve trasiyir. Oulon ve zidepeyer ise ve tiyir gabentapaf. Motidason va puidera, kalion ve dimaytcuyur aze, inde batcoba al zo dojeniayar, mo nomulk va klaim ve daykayar aze keyer.

Gazdeldeon, tozi afizara, yikya va moxinaf flint ve divlaniyir aze va renanik ve dimtrasiyir. Battel keyuweyer nume den sin vaon tixolapon dimstayar. Tolwison va nikya sveri is aal ve tiyid kalapaf aze kottan yo tamapon di bliyid.

Mali bat vartaf viel, aal imwugalon sokimwer ise kota imwa sotir raltukanhafa. Meroroatalena.

|style="vertical-align: top;"|
{{Krent_Iyelt
| xanto_vergumvelt = '''Le printemps de l’amour'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Vietnamava Vietnamava]
| xanto_evla = -
| kalkotavara_vergumvelt = Imwugal ke rena
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2005
| webesik = [[Favesik:Nguyen Tanh|Nguyen Tanh]]
| krentduga = [[Image:75%.jpg]] Gotuenana
| kseva1 = #B79EDA
| kseva2 = #D9BBFF
}}
|}

[[Loma:Vunda]]
[[Loma:Vunda ke Vietnama|Imwugal ke rena]]
[[Loma:Ayoltaca yo|Imwugal ke rena]]

Awertaal

2008-06-17T11:48:04Z

Nguyen Tanh:

{{TextQuality|50%}}
<div style="margin-top:1.2em;font-size:140%;">
<center>'''Awertaal'''</center></div>
<center>''Vietnamafa vunda''</center>

{|width="100%"
|-
|rowspan="4" style="background:#FFFFF5; border:1px solid #F0F2CE; vertical-align:top; padding-left:1em; padding-right:1em; text-align:justify; width:72%;"|

Konviele, ba awalkera ke gadikeem, toloy berik va konoleks ve pakayad. Taneanasbelik, fliwaf is totcidaf, va kotaf kiewegeem ve koilkayar nume pu nastolik is inafa kurenikya va grostanafe baplaxe is awertaal dem kratelakiraf vox ixewanaf ilteem anton ve iskeyer. Vexe bat nastolaf kurinikeem tememeyer ise tuke bata kiewegama tiyir valeaf. Va intaf awertaal ropeyer ise tanion sisteyer inde da aal toltugodjaweyer nume va ilteemap bureyer. Viele awerta toz tulukraweyer zultalumafa razama kotgazdon piyir ise estuyur. Va betcoba tolonga askiyir, aloyara va bata tiyir merotisa.

Awuzana kurenikya arubayar : « Volkaluca mo min. Wawaf min en tit. Va ziliduks ke awertaal zinulapat vexe sveri en apkapar. Lanon aeletet ». Galova ! Razama va arubara ve gildeyer aze ve xowayar ise kan ayapudon ve dulzavayar : « Va awerta estú voxe va moava zilí ! Va barbilagacekaf eyelt naric aze batenide va jin radimelanic ». Tuvudana, ayikya ko baplaxe ve ipeyer ta da va kurenik aneyar. Sin va sint ve kuljeyed nume va asadara va eyelt kare bazeyen lum keri bifotafa dimtalara ke sveri ve gorayad.

Arti konak viel, sveri ve dimtalayar aze va awerta arton estuyur aze va aal ve tidutalayar ise va kurenikye ve ganeyer da do eyelt in tidlakir. Azon art zida sin ve griawiyid. Tuvudan, nastolik ve itabudeyer. Sveri va in sumapon ve rembureyer aze va letafa ewala kotrafa gu akoba yo ve motidayar. In tiyir nuyaf ta da vaon narir lion dam co-jugemer. Va eyelt ve tukotrayar aze razama va in denon ve dimbureyer. Mali bat viel, tolonga va sivakuca grupeyer ise koe tapegafa vreda bliyir. Va wawik yo fereon greleyer. Ba katcta va fiptara va ilanuk va awalkera ke gadikeem, ta worara tolonga va taneanasbalik ve ganeyer. Vligupus va nastolik, ta krulara taneanasbalik ve yontayar nume ve dineyer da nastolik va kelda ulingar ise va tuveli tumoavukar ede vaon co-djumemuder.

Nastolik tarkas va taneanasbalik kare inafa fuxa kle ve askiyir. In is kurenikya gan sivakuca is kuluca ke nastolafa tolonga ve zo akoydeyed. Rilitaf, taneanasbalik ta kosmara va buka dekson ve aneyayar. Nastolik, telaf is ronjaf, me ve klabuyur nume va razama vanstayasa ta aneyara va moava ve izvayar. Taneanasbalafa tolonga va intafa tufa ik anton baplaxe is kratelakiraf awertaal ve drageyer. Tolnasbalikeem ve enkaliyir. Konviele, razama ve dimpiyir ta da va awerta estur ise milon ve juikeyer : barbilagacekaf eyelt ta aneyara va moava. Taneanasbalik, fliwaf is rilitaf, va toloy tevbilagacekaf eyeltap aze tison koe xo, dem moava vaon ve tukotrayar. Moe kelda ta dimtalara, golde aldopo ke toloy eyelt soani, enpuskenafi sveri ve tislayar nume taneanasbalik ko bira ve lubeyer nume wizuweyer.

Taneanasbalik va vligupura ve mukayar viele izva va inafa peguca isu fliwuca ve zo grupeyer. Lorik va vonik kotviele sogreler voxe va ikorik sokester.

|style="vertical-align: top;"|
{{Krent_Iyelt
| xanto_vergumvelt = '''Ăn Khế Trả Vàng'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Vietnamava Vietnamava]
| xanto_evla = -
| kalkotavara_vergumvelt = Awertaal
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2004
| webesik = [[Favesik:Nguyen Tanh|Nguyen Tanh]]
| krentduga = [[Image:50%.jpg]] Gotuwadana
| kseva1 = #B79EDA
| kseva2 = #D9BBFF
}}
|}

[[Loma:Vunda]]
[[Loma:Vunda ke Vietnama|Awertaal]]
[[Loma:Ayoltaca yo|Awertaal]]

Kurenikya ke Nam Xuong

2008-06-17T11:47:12Z

Nguyen Tanh: Vietnamafa vunda

{{TextQuality|50%}}
<div style="margin-top:1.2em;font-size:140%;">
<center>'''Kurenikya ke Nam Xương'''</center></div>
<center>''Vietnamafa vunda''</center>

{|width="100%"
|-
|rowspan="4" style="background:#FFFFF5; border:1px solid #F0F2CE; vertical-align:top; padding-left:1em; padding-right:1em; text-align:justify; width:72%;"|

Lekeon, tolonga kotunon kalon blisa tiyir. Pintik su kobliyir viele geja ve tozuweyer. Kurenikye zo koparintayar aze zo stakseyer enide kene jowa doalier. Mielafizon, lirdeson va po ko tira ke nasbeik, inya va dimlanira ke kurenik keyer. Nasbeik tulogijaweyer ise toz pulviyir. Sielon konviele, tizon ve xeftoayar. Edi tiyir tuxadasi maneke kot tuvel isu dilk skotcayad. Radeyeson velik toz evieyer. Enide va in tuvumeltar, gadikya kaliyir da gadikye batlize tiyir ise levnendayar. In rieteyer nume va inafa izga mo rebava nediyir kalison : « Me vudel, tir gadikye ». Velik va izga ve disukeyer aze kaliyir : « Mielkiavá, va Gade ». Karavalduyun velik komodeyer. Batvielu, abdi komodera, velik va gadikye gilimaxuyur ise gikaliyir : « Mielkiavá ». Batcoba vebayar da ayikya kabdu gum izgakoron kotsielon xowayar.

Geja adim ve tenuweyer. Kurenik dimdenlaniyir. Va nasbeik buluyun bak pintugal krenugon is kontegon kosmayar. Velik va gadikye garfelon ilikatcuyur lodame dabluyur : « Va jin guaulal, me til jinafe gadikye. Battel anton mielon pir. » Kurenik, kranavon sagonden is pilkandon bakayan, ve foliyir da kurenikya do artan ortayar nume ve gorayar da me koerutur. Batvielu, mekereleson va nasbeik is kurenik wan vrutas va rena, linulayar fentalapaf is solumaf. Medoplekusuca plataer da meiskeson va mane konviele ayikye ve mallaniyir.

Viel remayad, icde tila ke kurenik guyafa ayikya va int bibeyer ise va dimlanira wan keyer. Volfikunton, gabentuca is gripokolera va yikya konviele ve vangiyid. In ve gorayar da, odiayason va nasbeik pu vuwik, va int kuksawizuson kser.

Givuyuson va awalkera ke kurenik is sidjeson, ayikye dimdenlaniyir. Sielon viele ve gumfenkuyur, nasbeik valeaf wison va awisa izga mo rebava ve divieyer : « Tir Gade ! » Ayikye va intafa eaftafa kunipara bam ve gildayar. Eldeon, ken kuksa va nasbeik vanstayar enide va ixera ke kurenik dilder. Pu in ve abdiplekuyur da kali awalkera zavzatar antafe ise va nasbeik viunsutur ise mekara kurenikya koe takra ikarundatar.

|style="vertical-align: top;"|
{{Krent_Iyelt
| xanto_vergumvelt = '''Thiếu phụ Nam Xương'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Vietnamava Vietnamava]
| xanto_evla = -
| kalkotavara_vergumvelt = Kurenikya ke Nam Xương
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2008
| webesik = [[Favesik:Nguyen Tanh|Nguyen Tanh]]
| krentduga = [[Image:50%.jpg]] Gotuwadana
| kseva1 = #B79EDA
| kseva2 = #D9BBFF
}}
|}

[[Loma:Vunda]]
[[Loma:Vunda ke Vietnama|Kurenikya ke Nam Xương]]
[[Loma:Ayoltaca yo|Kurenikya ke Nam Xương]]

Loma:Vunda ke Laoa

2007-10-18T15:45:33Z

Nguyen Tanh: Lomaredura

[[Loma:Vunda|Laoa]]

Yikya dem kofigas usukeem

2007-10-18T15:44:02Z

Nguyen Tanh: Buredura

{{TextQuality|75%}}
<div style="margin-top:1.2em;font-size:140%;">
<center>'''Yikya dem kofigas usukeem'''</center></div>
<center>''Laoafa vunda''</center>

{{Krent_Iyelt
| xanto_vergumvelt = '''La fille aux cheveux parfumés'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Laoava Laoava]
| xanto_evla = -
| kalkotavara_vergumvelt = Yikya dem kofigas usukeem
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2005
| webesik = [[Favesik:Nguyen Tanh|Nguyen Tanh]]
| krentduga = [[Image:75%.jpg]] Gotuenan
| kseva1 = #B79EDA
| kseva2 = #D9BBFF
}}

Lekeon tiyir ayikya, nhobrafa is nasbeikiskafa, blisa dive wida. Intaf ind tiyir aalxo ise nik yo tiyid dositas sulem yo. Ta remblira, va gedrafu tapleku se malestuyur ise onayar ise va blifa kuksalava uliyir.

Konviele koe aalxo in va sinka aneyayar, ve vofayar da siputeper vexe va kuksa al illaniyir. Va ujiwa ke ironokafa muvara bam ve wiyir nume art siput di uliyir. Azon, va int tildemeson, ve vofayar da ujiwa tiyir tagelton tazukon gu nuga ke fuzol. Mea trakuson va batcoba, wan laniyir.

Arti konak aksat, ayikya va ilamtafa nasbeikya ve nasbayar. Tozion, kottan zo gevayar, vexe in bakon al undeyer : bat nasbeik va lava uliyina koe koinga ke fuzol anton rodaneyer. Rumeikya tiyir cuisafa ise akoyesa pinta, male usukeem plinapafi kofigasiki diveksoyeweyer.

Koe wida, yoy se pulvipiyid nume kottan boreon ve grupeyer lizu rumeik piyir. In koe rena ke gadikya laumayar voxe meviele va ageltuca ve grupeyer ise dume rumeik yo vaon balgeyed, axazeson va : « Nasbeik ke fuzol, nasbeik ke fuzol ! ». Inya zo puidapayar voxe nekev karakera, gadikya va mecoba djukaliyir. Konviele, pezteson awalkesa, gadikya adim ve gorayar da va ageltuca welidar.

Rumeik, vanpiyis listafa yikya, ve mallaniyir ta da va gadikye, va gazik ke fuzoleem, aneyar. Va in kalion trasiyir aze va debala pebuyur. Gasik, rodaxas, va posara bam ve vebayar :

- Ede en til jinafa nasbeikya, va jinaf talgaveem melubeson is borajiskon romoovultetel.

Yikya va posara en ve kiewaskinhiyir, daavon gu fuzol kalapaf trasiyison va nasbeikya. In boreon askiyir da mu inya bermap zo vegedur lize raveson va grupera va gadikye yikya kalon runion bliyir. Gadikye vaon sonteyer vexe va vansara va berm pu kot diveik al pouyur. Nasbeikya boreon toz argaweyer nume kene kuksa klokeson ugalzepeyer.

Batinde konviele, fuxason da va tel dan co-trasir in co-kureter, ko lava va toloy usuk dem jonte pilkovafa dakela ve kabuyur.

Gadikye bat gemelton ve gorayar da ko sumefa coyunta aneyar. Jotafe sersikye, trasiyise va usuk yo, pu yikya va int bam ve atoeyer. Sin boreon va sint ve kureyed ise nasbeik yo kalion piyid ise va berm tuitupayad.

Vexe arti gracucapa gadikye va tcabanhera dimpiyir. Nasbeikya, va poura va vanlanira pu kot diveik setikeson, ko aalxo ta tarutera va gadikyefa zidera va kurenik is nasbeikeem ve preyutayar. Battel va mecoba ve vofayar ise ve piyir ta da walzer da ta tcabanhera boreon mallanitir.

Yikya bam ve askiyir da yasa dimpir. Vexe, akoyera, gadikye lowaveon dam abdiwinon ve dimpiyir. Ve zidepeyer nume div berm va kottan ve aloyayar… voxe davon ve batceyer. Keskeon, nasbeikya is inaf kurenik isu nasbeikeem tiyid intafa antafa yasa, ise medjuzavzayar antaf. Pu kottel ve ixeyer nume daavapa va berm konakaksaton tukotrayar.

Konviele gazik ke fuzoleem, tuguazawes is peztes awalkes, ve askiyir da nasbeikya pir aze in ve kaliyir :

- Boreon fu awalké, vexe ta da me puidetel, mali awalkera va jinaf talgaveem naritil aze mo kuksa vaon aykatal. Davon bat vanpitir moavafa tota vanstatasa art tamava va win ede jugemec.

Radimi sugawalk, yasa mo talgaveem va int kle ve rundayar. Bat al vanpiyir moavafa tota dum abdiplekuyunon. Vexe ortlik rubayar.

Koe aalxo ikorafa diolikya kruldeyer. Tiyir renasa va jotafe sersikye abdi da in va yikya dem kofigas usukeem kurer. Kagrupeson va korik yo ke tota moo kuksa, diolikya ve gorayar da va int jaxadar.

In ton niluma va int ve artazukayar aze va tota lize tiyir yasa boreon ve vanlaniyir. Sersikya, jekuna gan bata cuisafa imwa, ta yestara ve titalayar vexe ko lava ve lubeyer nume ton jidol boreon ve zo artazukayar. Kevoke ikorafa diolikya, do kurenik is nasbeikeem va sersikya ixam al ikarundayar.

Ede kurenikye va mecoba vofayar, volson nasbeik yo va bata ayikya mougestusa va sin me kagrupeyed. Ve gorayad da va intafa gadikya aneyad. Boreon vaon ve trasiyid. Keskeon, va aalxo remlanison, gildeson va borera, ve zo evodayad aze va bores kimtaf jidol ve kakeveyed. Va gadikya davon ve kagrupeyed. In ve pebuyur kane va ayaf tazuk rodimnarir.

Bakon, sersikye va ortara al vofayar : usukeem ke « kurenikya » va bata albapana dakela mea divdaakeyer. Va griawira ke nasbeikeem al dere rabaté. Bores vox gwidaf, va diolikya ve gluyedayar aze va dimpira ke nasbeik yo keyer. Sin boreon ve dimpiyid aze va kotcoba pebuyud. Endaavapafe, sersikye djumaneyayar vexe nasbeik yo vaon ve azavzayad : ta da inya va ayaf tazuk dimnarir, diolikya taneon zo gonatar aze ko fortey jidol zo perdoer. Batcoba askiyina, yikya davon va ayaf tazuk ve dimnariyir.

Batinde sin, moo kuksa riwe vaon atayasa, vion is itupon wan koyayad.

[[Loma:Vunda]]
[[Loma:Vunda ke Laoa|Yikya dem kofigas usukeem]]
[[Loma:Ayoltaca yo|Yikya dem kofigas usukeem]]

Imwugal ke rena

2007-10-15T13:05:12Z

Nguyen Tanh:

{{TextQuality|75%}}
<div style="margin-top:1.2em;font-size:140%;">
<center>'''Imwugal ke rena'''</center></div>
<center>''Vietnamafa vunda''</center>

{{Krent_Iyelt
| xanto_vergumvelt = '''Le printemps de l’amour'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Vietnamava Vietnamava]
| xanto_evla = -
| kalkotavara_vergumvelt = Imwugal ke rena
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2005
| webesik = [[Favesik:Nguyen Tanh|Nguyen Tanh]]
| krentduga = [[Image:75%.jpg]] Gotuenan
| kseva1 = #B79EDA
| kseva2 = #D9BBFF
}}

Lekeon grutakirafa listapafa yikya tiyir. Varteyena kan renapara gan guazaf layesik, bas in va inafa skera va kalskunhura al kazawayar. Batinde yikya al vanpiyir tela lokiewafa layesikya ke patcta nume ta lustera va inafa ribiega se lantan yo sumupon piyid.

Wison da intafa skuna kobara tiyir maneke kiewatcafa, in zo felbeyer. Gadikye va ugal is keuca maneke al ektuyur ! Baton, wale nasbeafa rena is exavafa albara, blira ke jotaf layesik traspuyur.

Vexe guazik pezteyer vielvielon tuacawes nume va intafa nasbeikya xuvayar ta da in kurer. Kalaf gu intafa noelafa blira, va mecoba tozion djugildeyer. Azon, va gadikye me djupuidason, turkon ve naleyer, me roviskon…

- Gadikye, larde rinafa kuranira tir mana, kureté. Anton tanon kredatá : jinafa takra mu tel grulayetes va kotunaf lag dem meroroatalene raltuke. Fem en gotitir afriskaf.

Guazik, kalarsaf wison va progenhesa inya, meklabuson ve naleyer. Ko kotrafa gola boreon razduyur da nasbeikya tiyir gokurena ise va tela kreda bazeyer. Jontik espusik bam ve frubdeyed vexe yikya, kotviele levkipesa, rindeyeson va sinaf lay se ise kotviele trasison va konaka afra va sinafa abdugara vewayar. Me keyuweson ta da kurer, gan bata warzafa vefara toz zo relandeyer.

Koe aalxo, antafe yikye bliyir, ke dan antaf dositik yo tiyid sveri is aal. Dere layesik, gan gadikya xonukayasa weti konaka tanda va exava al raveyer.

Nisu va jotafa kuretena layesikya va in ve artayar nume ve trakuyur da boreon dulzer. Me zo kaliyir da inya tiyir listafa is zijnafa ? Vexe yikye boreon gripokoleyer : ede layera va afriskaf lag va in me zvakeyer, kevoke ta seotara va meroroatalene raltuke va birga me grupeyer ! Wison da in tiyir volkalaf, sveri nik vaon ve powayar :

- Va birga zilitisa pu rin va bata yikya en djugrupel ?

- Kax, jinafa swava gan batcoba anton zo kereler voxe men al trasí !... in gripokolenon ve dulzavayar.

- Ten temel ise va jin radimelanil ! sveri ve kaliyir.

In koo aalxo ta kakevera va tana nikya va in aludevon ve vanstayar. Diolikya bam ve kaliyir :

- Ta seotara va aneyana kseva, va kot geltnaav ke rinafa nuba aze iskel da fortey va lay ksevar.

Pokolepeson, yikye ve dimpiyir aze va pirdaks ke diolikya askiyir. Lay va intafa lolistafa kseva ve nariyir ise razduyur da kotunaf lag tiyir. Vexe jotaf espusik va slik fortey al ziliyir nume boreon astirbon ve vanpiyir. Diolikya, mafelasa va inafa takreluca isu giuca, gan sveri ve zo elogayar nume ta grelera piyir.

Nemon griakolayan, va intaf lag, va klaim, pu yikya bam ve bureyer. Battan me loon ve rokrulayar : kseva ke lay tiyir liston raltukaf ise fem tiyir afriskaf. Ostik, yikye tiyir zijnafe is plinafe. Sin va sint boreon ve kureyed aze koe aalxo kalon bliyid. Kirka ke yikye tiyir kotunafa tori jotafa tolonga ise sveri is aal va dositik ke intaf nik kalion vanikatcuyud.

Vexe batcoba tiyir vulkuson va awuzawera ke ar espusik yo. Tan, loriyomes dam artan, ve gorayar da va int jaxadar nume ve rieteyer. Grupeyet da gazik va listafa yikya se karolayar nume viele va tana jugemeyer, mecoba roweyonayar da in va dositik doon askir. Kotkane… Sardjeyen espusik va menpera ke yikya bam siskepeyer inde gazik ve gorayar da ko berm va in davon djugalpeyer.

Impavantason da koe widava kurenikye va sinaf lay se doleyer, gazaf sayakik yo va yikya batenide ve guldeyed. Sveri ve yawapayar da va int walplekur vexe ton meka sa ve zo atayar. Koe gojuca, yikya, ta da va raltukaf klaim layeyen gan kurenik vanburer, nemon ve ugaldiyir. Ba artlanira va berm, ta da icde kiewatca va sopura va gazik walzed, sayakik yo va inya guantamayad. Gripokoleyen is vewas va abdiplekuna enipa, layesik va bat abic verast ve impavantayar nume ve kseyer, kan raltukaf klaim va int rumkason…

Icde bat warzot givanon, gazik ve tuyatkaweyer maneke ve benplekuyur da alto zo konomulkar aze sumon sumapon zo vanstar, ta da in va pulvira icde inya meviele anamgildeter.

Remion, kurenikye kou widava al dimpiyir. Akoyen gan gracuca ke kurenik, va awalkafi sveri boreon ve trasiyir. Aal va sokiyisa coba puon pwadeyer. Nigoviskaf, in tite aal va sveri kotawayar. Azon, laizon koswan, va diolikya ixam tolon agralapon pomayasa denvulteyer. Battan ve pirdayar :

- Til keaf, nik ! Antafi sveri va rin ropomar.

- Vexe in tir awalkaf. Jin vlev aal vaon su kotawá ! in ve evieyer.

- Batcoba tiyir tela lokiewafa gonaskina coba, diolikya ve karavalduyur. Va imwugal kel aze sveri dimblitir. Bam va gonaskine pu rin kalitil.

Gabentafe vox pokolemese, yikye mekeon keyer da fentugal tenuwer. Sveri, ba taneafa imwa se ke imwugal, ba gazda tite aal lize tiyir kotawanafi, ve divmodayar. Katrasira do intaf dositik yo tiyir kontesa vexe kaliapon, pokolepeson, yikye va pulvira ke diolikya ve setikeyer.

- Pu jin kalil, sveri, rin til tel antaf rodimdrasus va jinafa renanikya, ve abreyer.

- Ko berm lanil, sveri nik ve benplekuyur, aze va raltukaf klaim ke kurenikya dinel ! Azon, erutul da xo lize alto dayker pu rin zo bazer ! Viele titil, mo nomulk va klaim plekutul aze ketel !

Yikye van berm boreon ve mallaniyir ise va kotcoba pirdayana gan nik askiyir. Seotayane va klaim, oulon ve etrakayar ise niga moe gexata lingeweyer. Tan sayakik, konten gan gabentuca ke layesik, pu in va xo lize kurenikya daykeyer, bazeyer. Mekeson, in ve tollaniyir ise ta da va mevtava zomer abrotcion abrotcipon laniyir. Tuke bazera se ke susik, va arula lize nomulk al zo jovleyer, volwavdon ve trasiyir. Oulon ve zidepeyer ise ve tiyir gabentapaf. Motidason va puidera, kalion ve dimaytcuyur aze, inde batcoba al zo dojeniayar, mo nomulk va klaim ve daykayar aze keyer.

Gazdeldeon, tozi afizara, yikya va moxinaf flint ve divlaniyir aze va renanik ve dimtrasiyir. Battel keyuweyer nume den sin vaon tixolapon dimstayar. Tolwison va nikya sveri is aal ve tiyid kalapaf aze kottan yo tamapon di bliyid.

Mali bat vartaf viel, aal imwugalon sokimwer ise kota imwa sotir raltukanhafa. Meroroatalena.

[[Loma:Vunda]]
[[Loma:Vunda ke Vietnama|Imwugal ke rena]]
[[Loma:Ayoltaca yo|Imwugal ke rena]]

Imwugal ke rena

2007-10-15T13:03:05Z

Nguyen Tanh: Buredura

{{TextQuality|50%}}
<div style="margin-top:1.2em;font-size:140%;">
<center>'''Imwugal ke rena'''</center></div>
<center>''Vietnamafa vunda''</center>

{{Krent_Iyelt
| xanto_vergumvelt = '''Le printemps de l’amour'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Vietnamava Vietnamava]
| xanto_evla = -
| kalkotavara_vergumvelt = Imwugal ke rena
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2005
| webesik = [[Favesik:Nguyen Tanh|Nguyen Tanh]]
| krentduga = [[Image:75%.jpg]] Gotuenan
| kseva1 = #B79EDA
| kseva2 = #D9BBFF
}}

Lekeon grutakirafa listapafa yikya tiyir. Varteyena kan renapara gan guazaf layesik, bas in va inafa skera va kalskunhura al kazawayar. Batinde yikya al vanpiyir tela lokiewafa layesikya ke patcta nume ta lustera va inafa ribiega se lantan yo sumupon piyid.

Wison da intafa skuna kobara tiyir maneke kiewatcafa, in zo felbeyer. Gadikye va ugal is keuca maneke al ektuyur ! Baton, wale nasbeafa rena is exavafa albara, blira ke jotaf layesik traspuyur.

Vexe guazik pezteyer vielvielon tuacawes nume va intafa nasbeikya xuvayar ta da in kurer. Kalaf gu intafa noelafa blira, va mecoba tozion djugildeyer. Azon, va gadikye me djupuidason, turkon ve naleyer, me roviskon…

- Gadikye, larde rinafa kuranira tir mana, kureté. Anton tanon kredatá : jinafa takra mu tel grulayetes va kotunaf lag dem meroroatalene raltuke. Fem en gotitir afriskaf.

Guazik, kalarsaf wison va progenhesa inya, meklabuson ve naleyer. Ko kotrafa gola boreon razduyur da nasbeikya tiyir gokurena ise va tela kreda bazeyer. Jontik espusik bam ve frubdeyed vexe yikya, kotviele levkipesa, rindeyeson va sinaf lay se ise kotviele trasison va konaka afra va sinafa abdugara vewayar. Me keyuweson ta da kurer, gan bata warzafa vefara toz zo relandeyer.

Koe aalxo, antafe yikye bliyir, ke dan antaf dositik yo tiyid sveri is aal. Dere layesik, gan gadikya xonukayasa weti konaka tanda va exava al raveyer.

Nisu va jotafa kuretena layesikya va in ve artayar nume ve trakuyur da boreon dulzer. Me zo kaliyir da inya tiyir listafa is zijnafa ? Vexe yikye boreon gripokoleyer : ede layera va afriskaf lag va in me zvakeyer, kevoke ta seotara va meroroatalene raltuke va birga me grupeyer ! Wison da in tiyir volkalaf, sveri nik vaon ve powayar :

- Va birga zilitisa pu rin va bata yikya en djugrupel ?

- Kax, jinafa swava gan batcoba anton zo kereler voxe men al trasí !... in gripokolenon ve dulzavayar.

- Ten temel ise va jin radimelanil ! sveri ve kaliyir.

In koo aalxo ta kakevera va tana nikya va in aludevon ve vanstayar. Diolikya bam ve kaliyir :

- Ta seotara va aneyana kseva, va kot geltnaav ke rinafa nuba aze iskel da fortey va lay ksevar.

Pokolepeson, yikye ve dimpiyir aze va pirdaks ke diolikya askiyir. Lay va intafa lolistafa kseva ve nariyir ise razduyur da kotunaf lag tiyir. Vexe jotaf espusik va slik fortey al ziliyir nume boreon astirbon ve vanpiyir. Diolikya, mafelasa va inafa takreluca isu giuca, gan sveri ve zo elogayar nume ta grelera piyir.

Nemon griakolayan, va intaf lag, va klaim, pu yikya bam ve bureyer. Battan me loon ve rokrulayar : kseva ke lay tiyir liston raltukaf ise fem tiyir afriskaf. Ostik, yikye tiyir zijnafe is plinafe. Sin va sint boreon ve kureyed aze koe aalxo kalon bliyid. Kirka ke yikye tiyir kotunafa tori jotafa tolonga ise sveri is aal va dositik ke intaf nik kalion vanikatcuyud.

Vexe batcoba tiyir vulkuson va awuzawera ke ar espusik yo. Tan, loriyomes dam artan, ve gorayar da va int jaxadar nume ve rieteyer. Grupeyet da gazik va listafa yikya se karolayar nume viele va tana jugemeyer, mecoba roweyonayar da in va dositik doon askir. Kotkane… Sardjeyen espusik va menpera ke yikya bam siskepeyer inde gazik ve gorayar da ko berm va in davon djugalpeyer.

Impavantason da koe widava kurenikye va sinaf lay se doleyer, gazaf sayakik yo va yikya batenide ve guldeyed. Sveri ve yawapayar da va int walplekur vexe ton meka sa ve zo atayar. Koe gojuca, yikya, ta da va raltukaf klaim layeyen gan kurenik vanburer, nemon ve ugaldiyir. Ba artlanira va berm, ta da icde kiewatca va sopura va gazik walzed, sayakik yo va inya guantamayad. Gripokoleyen is vewas va abdiplekuna enipa, layesik va bat abic verast ve impavantayar nume ve kseyer, kan raltukaf klaim va int rumkason…

Icde bat warzot givanon, gazik ve tuyatkaweyer maneke ve benplekuyur da alto zo konomulkar aze sumon sumapon zo vanstar, ta da in va pulvira icde inya meviele anamgildeter.

Remion, kurenikye kou widava al dimpiyir. Akoyen gan gracuca ke kurenik, va awalkafi sveri boreon ve trasiyir. Aal va sokiyisa coba puon pwadeyer. Nigoviskaf, in tite aal va sveri kotawayar. Azon, laizon koswan, va diolikya ixam tolon agralapon pomayasa denvulteyer. Battan ve pirdayar :

- Til keaf, nik ! Antafi sveri va rin ropomar.

- Vexe in tir awalkaf. Jin vlev aal vaon su kotawá ! in ve evieyer.

- Batcoba tiyir tela lokiewafa gonaskina coba, diolikya ve karavalduyur. Va imwugal kel aze sveri dimblitir. Bam va gonaskine pu rin kalitil.

Gabentafe vox pokolemese, yikye mekeon keyer da fentugal tenuwer. Sveri, ba taneafa imwa se ke imwugal, ba gazda tite aal lize tiyir kotawanafi, ve divmodayar. Katrasira do intaf dositik yo tiyir kontesa vexe kaliapon, pokolepeson, yikye va pulvira ke diolikya ve setikeyer.

- Pu jin kalil, sveri, rin til tel antaf rodimdrasus va jinafa renanikya, ve abreyer.

- Ko berm lanil, sveri nik ve benplekuyur, aze va raltukaf klaim ke kurenikya dinel ! Azon, erutul da xo lize alto dayker pu rin zo bazer ! Viele titil, mo nomulk va klaim plekutul aze ketel !

Yikye van berm boreon ve mallaniyir ise va kotcoba pirdayana gan nik askiyir. Seotayane va klaim, oulon ve etrakayar ise niga moe gexata lingeweyer. Tan sayakik, konten gan gabentuca ke layesik, pu in va xo lize kurenikya daykeyer, bazeyer. Mekeson, in ve tollaniyir ise ta da va mevtava zomer abrotcion abrotcipon laniyir. Tuke bazera se ke susik, va arula lize nomulk al zo jovleyer, volwavdon ve trasiyir. Oulon ve zidepeyer ise ve tiyir gabentapaf. Motidason va puidera, kalion ve dimaytcuyur aze, inde batcoba al zo dojeniayar, mo nomulk va klaim ve daykayar aze keyer.

Gazdeldeon, tozi afizara, yikya va moxinaf flint ve divlaniyir aze va renanik ve dimtrasiyir. Battel keyuweyer nume den sin vaon tixolapon dimstayar. Tolwison va nikya sveri is aal ve tiyid kalapaf aze kottan yo tamapon di bliyid.

Mali bat vartaf viel, aal imwugalon sokimwer ise kota imwa sotir raltukanhafa. Meroroatalena.

[[Loma:Vunda]]
[[Loma:Vunda ke Vietnama|Imwugal ke rena]]
[[Loma:Ayoltaca yo|Imwugal ke rena]]

Tokdume sulem va ault digir

2007-10-14T16:44:16Z

Nguyen Tanh:

{{TextQuality|50%}}
<div style="margin-top:1.2em;font-size:140%;">
<center>'''Tokdume sulem va ault digir ?'''</center></div>
<center>''Kamputceafa vunda''</center>

{{Krent_Iyelt
| xanto_vergumvelt = '''Pourquoi les animaux ont-ils une queue ?'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Kamputceava Kamputceava]
| xanto_evla = -
| kalkotavara_vergumvelt = Tokdume sulem va ault digir ?
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2005
| webesik = [[Favesik:Nguyen Tanh|Nguyen Tanh]]
| krentduga = [[Image:50%.jpg]] Gotuwadana
| kseva1 = #B79EDA
| kseva2 = #D9BBFF
}}

Brahma, lorik va kota redura, deasemeyer. Batdume mo Tawava da da va intaf grabom mafelar moekote gipiyir. Auluca ke aalxo is tildesa traspura ke kuksa vaon vecayad. Vexe batcoba va blira is lizira graciyir !

Acum in va sulem yo ve ganduyur, ta lo blira, pu sin zilison va amidafa kseva yo isu tazuk se. Zo felbeyer : fuzol is jaktol is wocol is sveri is bresitol, sulemeem tamon sobliyir ! Kot sulem tiyir tanaf is kalaf, trutca tiyir kotunafa. Neke pintama, mek tiyir aultkiraf.

Ageltafa, rieta en al gepoyteyer vexe undeyepeson, in va beta favlaca me guzekayar. Brahma tiyir valeapafa maneke wan reduyur.

- Kiewapafa, larde sulemap moe Tawava sonasbalker, noelkeon yawá da redú va sulem yo pinaf maneke tid nemon rowin. Leve sid ok koe amna blitid voxe titid vrebaf gu reduyuna milbava.

Nemon kalina, davon askina. Batinde beza is slakol is perake ve kobliyid. Tan sulem zo felbeyer maneke ta grewara pu Brahma va rotaskina coba ve eruyur.

- Agralafa varteba, larde baton al yoltar, rieté. Oye da va ziliyina roti ta layera va stama is ta warzera va fem viele kuranil digil, do Tawava jinafa gluyara titil ! Kotviele sulem yo pu jin co-djupulvid, van jin witil nume icdeon pulvitit. Titil minaf staksakirik.

Varteba yoke bati warzafi fli tiyir kalapafa is derbepena.

Batinde, kot sulem yo tamanhon bliyid. Vexe Brahma, en rulesa nomhelafa, gan intafa redusuca boreon zo guoteyer. Va ar talas sulem talason lexus ve ganduyur. Kan valpok vaon ve yoltayar. Tiyir lanaf da in gan kot ar sulem co-emudenher. Volse, me di tiyir. Ageltafa, tozion, sin tiyid valeanhaf :

- Djay, mana lexama tir plinafa !

Vexe kaliapon batcoba tusetraweyer :

- Arliz dam koe jinaf oblakeem loral ! jaftol pu valpok kaliyir.

- Batcoba tir slika, jidol bulayar, arliz dam aname jinaf iteem vefal !

Yatkaf kir batinde ilikatcun, valpok va jidol ve puileyer. Ve gelavayar… nume ve krupteyer da fortey ke vegungik yo tiyir kiewapaf ! Geja su zo dakteyer. Valpokeem boreon ve vanpiyir rotabin ise va kottan puileyer. Ise oye da kaliapon sonasbalkeyer, metan zo guvawelayar.

Sulemeem va pirdot ve askiyid nume ve gorayad da ta aneyara va Brahma stakser. In va temereem ke intaf redunik yo nume ve abdiplekuyur da tcineter. Opelanhon ve trasiyir :

- Va batcoba ault co-zanudar ! Aultzekason, sulem va valpok co-rotaloyar !

Va varteba ve tolrozayar aze ve kaliyir :

- Va rinafe arge su tciné. Pu kot artan kalil da sieleldeon, kotrataelcekon, ko arula tisa gelbe bak muvaraviel in pitir. Walzilirapa va ault yo titir ise kottan va tel djumen solnaritir.

Kakevetcura ve tiyir. Sieleldeon, ko arula kot sulem va int kabelcar. Kore konaka kevidura ve tiyid, kottan ve trasinhiyir. Kottan ? Me koton.

Keskeon, libol, nekev karakera ke intaf nik yo, va rosokera abdualbayar nume tanion kaliyir :

- Ugaldí, ugaldí ! Logaveon lanití !

Azon toz mielayar, nume libol toz dwiyir. Falon, va bresitol ve kozwiyir :

- Ex bresitol ? Tokliz lanil ?

- Ta aneyara va ault va arula vanvulté !

- Va tanoy mu jin dere co-ronaril ? Vay !

- Me gildá dume me miv lanil, vexe dotrakú va rin djuzaná !

- Grewá !

Nume van arula wan laniyir solve da libol toz tolkenibeyer. Vexe moo kelda bresitol rosokeyer nume va arula gaveon ve artlaniyir maneke va antaf tanoy ault ve trasiyir. Falon bat va in dojenianhayar.

- Kiewafa… vexe libol ? Va tokcoba puon vanbureté ?

Kotliz gripokolenon aneyason, in va imafu fixu bam ve kozwiyir nume ve konariyir.

Van aalxo dimlaniyir aze va libol ve dimtrasiyir.

- Naril, in ve kaliyir. Batcoba anton zavzayar !

- Tokcoba ? Vexe va tokcoba trakul da kan batcoba rotaskití ? Kev valpok batcoba meinde betatar, batcoba !

Ksaben bresitol ve dulzeyer :

- Tir tavera tori rin. Daletoe ravetel da gan int lodam artan kotviele zo zanitil ise moekote, ravel da va rinaf digiks ixam albal !

[[Loma:Vunda]]
[[Loma:Vunda ke Kamputcea|Tokdume sulem va ault digir]]
[[Loma:Ayoltaca yo|Tokdume sulem va ault digir]]

Loma:Vunda ke Kamputcea

2007-10-14T16:39:08Z

Nguyen Tanh: Lomaredura

[[Loma:Vunda|Kamputcea]]

Tokdume sulem va ault digir

2007-10-14T16:38:16Z

Nguyen Tanh: Buredura

{{TextQuality|50%}}
<div style="margin-top:1.2em;font-size:140%;">
<center>'''Tokdume sulem va ault digir ?'''</center></div>
<center>''Kamputceafa vunda''</center>

{{Krent_Iyelt
| xanto_vergumvelt = '''Pourquoi les animaux ont-ils une queue ?'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Kamputceava Kamputceava]
| xanto_evla = -
| kalkotavara_vergumvelt = Tokdume sulem va ault digir ?
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2005
| webesik = [[Favesik:Nguyen Tanh|Nguyen Tanh]]
| krentduga = [[Image:50%.jpg]] Gotuwadana
| kseva1 = #B79EDA
| kseva2 = #D9BBFF
}}

Brahma, lorik va kota redura, deasemeyer. Batdume mo Tawava da da va intaf grabom mafelar moekote gipiyir. Auluca ke aalxo is tildesa traspura ke kuksa vaon vecayad. Vexe batcoba va blira is lizira graciyir !

Acum in va sulem yo ve ganduyur, ta lob lira, pu sin zilison va amidafa kseva yo isu tazuk se. Zo felbeyer : fuzol is jaktol is wocol is sveri is bresitol, sulemeem tamon sobliyir ! Kot sulem tiyir tanaf is kalaf, trutca tiyir kotunafa. Neke pintama, mek tiyir aultkiraf.

Ageltafa, rieta en al gepoyteyer vexe undeyepeson, in va beta favlaca me guzekayar. Brahma tiyir valeapafa maneke wan reduyur.

- Kiewapafa, larde sulemap moe Tawava sonasbalker, noelkeon yawá da redú va sulem yo pinaf maneke tid nemon rowin. Leve sid ok koe amna blitid voxe titid vrebaf gu reduyuna milbava.

Nemon kalina, davon askina. Batinde beza is slakol is perake ve kobliyid. Tan sulem zo felbeyer maneke ta grewara pu Brahma va rotaskina coba ve eruyur.

- Agralafa varteba, larde baton al yoltar, rieté. Oye da va ziliyina roti ta layera va stama is ta warzera va fem viele kuranil digil, do Tawava jinafa gluyara titil ! Kotviele sulem yo pu jin co-djupulvid, van jin witil nume icdeon pulvitit. Titil minaf staksakirik.

Varteba yoke bati warzafi fli tiyir kalapafa is derbepena.

Batinde, kot sulem yo tamanhon bliyid. Vexe Brahma, en rulesa nomhelafa, gan intafa redusuca boreon zo guoteyer. Va ar talas sulem talason lexus ve ganduyur. Kan valpok vaon ve yoltayar. Tiyir lanaf da in gan kot ar sulem co-emudenher. Volse, me di tiyir. Ageltafa, tozion, sin tiyid valeanhaf :

- Djay, mana lexama tir plinafa !

Vexe kaliapon batcoba tusetraweyer :

- Arliz dam koe jinaf oblakeem loral ! jaftol pu valpok kaliyir.

- Batcoba tir slika, jidol bulayar, arliz dam aname jinaf iteem vefal !

Yatkaf kir batinde ilikatcun, valpok va jidol ve puileyer. Ve gelavayar… nume ve krupteyer da fortey ke vegungik yo tiyir kiewapaf ! Geja su zo dakteyer. Valpokeem boreon ve vanpiyir rotabin ise va kottan puileyer. Ise oye da kaliapon sonasbalkeyer, metan zo guvawelayar.

Sulemeem va pirdot ve askiyid nume ve gorayad da ta aneyara va Brahma stakser. In va temereem ke intaf redunik yo nume ve abdiplekuyur da tcineter. Opelanhon ve trasiyir :

- Va batcoba ault co-zanudar ! Aultzekason, sulem va valpok co-rotaloyar !

Va varteba ve tolrozayar aze ve kaliyir :

- Va rinafe arge su tciné. Pu kot artan kalil da sieleldeon, kotrataelcekon, ko arula tisa gelbe bak muvaraviel in pitir. Walzilirapa va ault yo titir ise kottan va tel djumen solnaritir.

Kakevetcura ve tiyir. Sieleldeon, ko arula kot sulem va int kabelcar. Kore konaka kevidura ve tiyid, kottan ve trasinhiyir. Kottan ? Me koton.

Keskeon, libol, nekev karakera ke intaf nik yo, va rosokera abdualbayar nume tanion kaliyir :

- Ugaldí, ugaldí ! Logaveon lanití !

Azon toz mielayar, nume libol toz dwiyir. Falon, va bresitol ve kozwiyir :

- Ex bresitol ? Tokliz lanil ?

- Ta aneyara va ault va arula vanvulté !

- Va tanoy mu jin dere co-ronaril ? Vay !

- Me gildá dume me miv lanil, vexe dotrakú va rin djuzaná !

- Grewá !

Nume van arula wan laniyir solve da libol toz tolkenibeyer. Vexe moo kelda bresitol rosokeyer nume va arula gaveon ve artlaniyir maneke va antaf tanoy ault ve trasiyir. Falon bat va in dojenianhayar.

- Kiewafa… vexe libol ? Va tokcoba puon vanbureté ?

Kotliz gripokolenon aneyason, in va imafu fixu bam ve kozwiyir nume ve konariyir.

Van aalxo dimlaniyir aze va libol ve dimtrasiyir.

- Naril, in ve kaliyir. Batcoba anton zavzayar !

- Tokcoba ? Vexe va tokcoba trakul da kan batcoba rotaskití ? Kev valpok batcoba meinde betatar, batcoba !

Ksaben bresitol ve dulzeyer :

- Tir tavera tori rin. Daletoe ravetel da gan int lodam artan kotviele zo zanitil ise moekote, ravel da va rinaf digiks ixam albal !

[[Loma:Vunda]]
[[Loma:Vunda ke Kamputcea|Tokdume sulem va ault digir]]
[[Loma:Ayoltaca yo|Tokdume sulem va ault digir]]

Negova is wafibol

2007-06-17T22:11:55Z

Nguyen Tanh: Buredura

{{TextQuality|50%}}

<div style="margin-top:1.2em;font-size:140%;">
<center>'''Negova is wafibol'''</center></div>
<center>''Vietnamafa vunda''</center>

{{Krent_Iyelt
| xanto_vergumvelt = '''Le crocodile et le sanglier'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Vietnamava Vietnamava]
| xanto_evla = -
| kalkotavara_vergumvelt = Negova is wafibol
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2004
| webesik = [[Favesik:Nguyen Tanh|Nguyen Tanh]]
| krentduga = [[Image:50%.jpg]] Gotuwadan
}}

Sin va sint xuyavon kakeveyed ise va sint non pulviyid.

- Va negova kiavá, wafibol ve kaliyir.

- Va wafibol kiavá, negova ve dulzeyer.

« Toloy gulik va sint kakeved, sverimi yo ve kaliyid, loon sumtalat ! Toloy gulik va sint kiavad, drelge se ve kaliyid, dili kle al zo zolter, mekivason vanlanit !»

- Va negova kiavá, wafibol ve tolkaliyir.

Negova ve miabuditayar aze ve kaliyir : « Nik, kan rinafa lidomafa taka, va vegungik en grupatal ? Vaon grupenhel ? »

- Jin ? wafibol ve dulzeyer, tittaká kire kotviele sotrakú. Nuvelá da itabudé kire va kotcoba ulijdá. Voxe rin kotviele teriges, va tokcoba en trakul da askitil ?

- Toktan bliyison me al terigeyer ? negova ve dulzeyer. Tel logijaf redakik tir tel gruteriges. Terigesik kotviele zo gokivar.

Ise bak da toloy nik va intafa sega yo milmuyud, negova zijnon terigeson vanlaniyir, solve da wafibol, va wira va mecoba nuvelason, vepokiton ulijdayar. Negova laizon ve grableyer nume va welzeem ke wafibol ve empayar. Wafibol kabuson va intaf talgaveem ve tiyir kaliaf maneke va lanheyeem ke negova ve semayar.

Toloy gulik milgemelton ve awalkeyed.

Batcoba ve sokiyir ise ve gosokiyir, sveri yo ve dankayad.

Otcet, sinafa awalkoda se ware rotutud, vudafe drelge ve kieveyer.

[[Loma:Vunda]]
[[Loma:Vunda ke Vietnama|Negova is wafibol]]
[[Loma:Ayoltaca yo|Negova is wafibol]]

Loma:Lexa

2007-06-15T14:21:18Z

Nguyen Tanh: l

Omavafa veyloma

Loma:Opeem is Ckaneopa

2007-06-15T14:21:06Z

Nguyen Tanh: Lomaredura

Omavafa veyloma

Loma:Vundeem is Alkeem

2007-06-15T14:20:33Z

Nguyen Tanh: Lomaredura

Omavafa veyloma

Loma:Vunda

2007-06-15T14:20:15Z

Nguyen Tanh:

Omavaloma

[[Loma:Vundeem is Alkeem]]

Loma:Ayopeem is Selt

2007-06-15T14:19:41Z

Nguyen Tanh: Lomaredura

Omavafa veyloma

Loma:Gaderopa

2007-06-15T14:19:07Z

Nguyen Tanh:

Omavaloma

[[Loma:Ayopeem is Selt]]

Teza:Yona warzaca

2007-06-15T13:30:07Z

Nguyen Tanh: Vunda va awertaal

<noinclude>
'''10 ironokafa kotavaxa loplukuyuna ko Wikikrenteem'''</noinclude>
<div style="font-size:90%;">

'''[[:Loma:Ayoltaca yo|Ayoltik]]''', ''[[Awertaal|Vunda va Awertaal]]'', vietnamafa vunda, 2004<br>
'''[[:Loma:Tolstoy (Lev)|Tolstoy (Lev)]]''', ''[[Anna Karenina_Pak01_Luz02|Anna Karenina]]'', 1877<br>
'''[[:Loma:King (Martin Luther)|King (Martin Luther)]]''', ''[[Dewitca Martin Luther King 1963 Washington|Jin al kloké]]'', 1963<br>
'''[[:Loma:Molière|Molière (Jean-Baptiste)]]''', ''[[NhagaceemScapin Nakileem01 Nakila01|Nhagaceem ke Scapin]]'', 1671<br>
'''[[:Loma:Ayoltaca yo|Ayoltik]]''', ''[[Vunda va Maui]]'', polinesiafa vunda, 2006<br>
'''[[:Loma:Maxfuz (Nagib)|Maxfuz (Nagib)]]''', ''[[Bayn al-Kasrayn]]'', 1956<br>
'''[[:Loma:Pamuk (Orhan)|Pamuk (Orhan)]]''', ''[[Kar]]'', 2002<br>
'''[[:Loma:Lautréamont|Lautréamont]]''', ''[[Maldoror Dank01 Food01|Dankeem ke Maldoror]]'', 1868<br>
'''[[:Loma:Pisan (Christine de)|Pisan (Christine de)]]''', ''[[Seulete suy]]'', 1405<br>
'''[[:Loma:Manzoni (Alessandro)|Manzoni (Alessandro)]]''', ''[[Aguntanikeem]]'', 1827<br>
'''[[:Loma:Dickens (Charles)|Dickens (Charles)]]''', ''[[Eluxa se ke Pickwick]]'', 1837<br>
</div>

Awertaal

2007-06-15T13:24:23Z

Nguyen Tanh: Buredura

{{TextQuality|50%}}

<div style="margin-top:1.2em;font-size:140%;">
<center>'''Awertaal'''</center></div>
<center>''Vietnamafa vunda''</center>

{{Krent_Iyelt
| xanto_vergumvelt = '''An khe tra vang'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Vietnamava Vietnamava]
| xanto_evla = -
| kalkotavara_vergumvelt = Awertaal
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2004
| webesik = [[Favesik:Nguyen Tanh|Nguyen Tanh]]
| krentduga = [[Image:50%.jpg]] Gotuwadan
}}

Konviele, ba awalkera ke gadikeem, toloy berik va konoleks ve pakayad. Taneanasbelik, fliwaf is totcidaf, va kotaf kiewegeem ve koilkayar nume pu nastolik is inafa kurenikya va grostanafe baplaxe is awertaal dem kratelakiraf vox ixewanaf ilteem anton ve iskeyer. Vexe bat nastolaf kurinikeem tememeyer ise tuke bata kiewegama tiyir valeaf. Va intaf awertaal ropeyer ise tanion sisteyer inde da aal toltugodjaweyer nume va ilteemap bureyer. Viele awerta toz tulukraweyer zultalumafa razama kotgazdon piyir ise estuyur. Va betcoba tolonga askiyir, aloyara va bata tiyir merotisa.

Awuzana kurenikya arubayar : « Volkaluca mo min. Wawaf min en tit. Va ziliduks ke awertaal zinulapat vexe sveri en apkapar. Lanon aeletet ». Galova ! Razama va arubara ve gildeyer aze ve xowayar ise kan ayapudon ve dulzavayar : « Va awerta estú voxe va moava zilí ! Va barbilagacekaf eyelt naric aze batenide va jin radimelanic ». Tuvudana, ayikya ko baplaxe ve ipeyer ta da va kurenik aneyar. Sin va sint ve kuljeyed nume va asadara va eyelt kare bazeyen lum keri bifotafa dimtalara ke sveri ve gorayad.

Arti konak viel, sveri ve dimtalayar aze va awerta arton estuyur aze va aal ve tidutalayar ise va kurenikye ve ganeyer da do eyelt in tidlakir. Azon art zida sin ve griawiyid. Tuvudan, nastolik ve itabudeyer. Sveri va in sumapon ve rembureyer aze va letafa ewala kotrafa gu akoba yo ve motidayar. In tiyir nuyaf ta da vaon narir lion dam co-jugemer. Va eyelt ve tukotrayar aze razama va in denon ve dimbureyer. Mali bat viel, tolonga va sivakuca grupeyer ise koe tapegafa vreda bliyir. Va wawik yo fereon greleyer. Ba katcta va fiptara va ilanuk va awalkera ke gadikeem, ta worara tolonga va taneanasbalik ve ganeyer. Vligupus va nastolik, ta krulara taneanasbalik ve yontayar nume ve dineyer da nastolik va kelda ulingar ise va tuveli tumoavukar ede vaon co-djumemuder.

Nastolik tarkas va taneanasbalik kare inafa fuxa kle ve askiyir. In is kurenikya gan sivakuca is kuluca ke nastolafa tolonga ve zo akoydeyed. Rilitaf, taneanasbalik ta kosmara va buka dekson ve aneyayar. Nastolik, telaf is ronjaf, me ve klabuyur nume va razama vanstayasa ta aneyara va moava ve izvayar. Taneanasbalafa tolonga va intafa tufa ik anton baplaxe is kratelakiraf awertaal ve drageyer. Tolnasbalikeem ve enkaliyir. Konviele, razama ve dimpiyir ta da va awerta estur ise milon ve juikeyer : barbilagacekaf eyelt ta aneyara va moava. Taneanasbalik, fliwaf is rilitaf, va toloy tevbilagacekaf eyeltap aze tison koe xo, dem moava vaon ve tukotrayar. Moe kelda ta dimtalara, golde aldopo ke toloy eyelt soani, enpuskenafi sveri ve tislayar nume taneanasbalik ko bira ve lubeyer nume wizuweyer.

Taneanasbalik va vligupura ve mukayar viele izva va inafa peguca isu fliwuca ve zo grupeyer. Lorik va vonik kotviele sogreler voxe va ikorik sokester.

[[Loma:Vunda]]
[[Loma:Vunda ke Vietnama|Awertaal]]
[[Loma:Ayoltaca yo|Awertaal]]

Izva va valpok

2007-06-14T21:50:00Z

Nguyen Tanh:

{{TextQuality|50%}}

<div style="margin-top:1.2em;font-size:140%;">
<center>'''Izva va valpok'''</center></div>
<center>''Vietnamafa vunda''</center>

{{Krent_Iyelt
| xanto_vergumvelt = '''Su tich con muoi'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Vietnamava Vietnamava]
| xanto_evla = -
| kalkotavara_vergumvelt = Izva va valpok
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2004
| webesik = [[Favesik:Nguyen Tanh|Nguyen Tanh]]
| krentduga = [[Image:50%.jpg]] Gotuwadan
}}

Konviele koe abrotcafa gola ke Vietnama tiyir jotaf budaf is vonaf tawadayik yoltkiraf gu Ngoc Tâm. Kurenikya tiyir Nhan Diêp. Tiyir kafa is menpesa. Kevie kurenikye tise rabudafe is kobase, tiyir vungafa ise va tapega albapayar. Nekevon Ngoc Tâm va kurenik renayar nume ixepeyer. Volfikunton, bata kurera ve jijamayar kire ayikya gazdon laizon ve awalkeyer. Entufaxaweson, Ngoc Tâm me ve jugemeyer da va alto ke kurenik isker ise va kotawara ve tsuneyer. Moi da va intaf kiewegeem al doleyer, do nomulk gerbaltlapiyir ise va nianha megrupeson salton krabeyer.

Konviele, tit kusafa is kofigasa venta gerbalt va in ve vanstayar. Mosidayas, in va patctoy nedis va listuca golde riafa imwa se is aal yo dem jontik amidaf ilt ve kosmayar. Viele va vestara trenayar, va guazik dem abrotcaf batakaf usukeem isu lukastam laizon ve kakeveyer. Wiyapaca is gevasa segayera va guazik kouayad. Batcoba ve noveyer da in gildayar da lenteon tan Xonorlik tiyir. In titon ve pirileyer aze ve dildeyer ta da battan askir da kurenik dimblir. Va in sason, norlik ve kaliyir : « va rinafa fuxa fu rwavé kire rinafa renara isu kranav tid purafa. Vexe pokolé da win stekeon me batcetec ! ». Azon in pu tawadayik ve eruyur da in va nomulk fenkur aze va intaf geltnaav gaber ta da baroya forteybelaxa mo alto ke Nhan Diêp kurenik lubed. Boreon, battel ve itafenkuyur dum ede va modapara buluyur. Intaf poeem kaliapon dimpiyir. Levi mallapira, Norlik va kurenikya ve gukoeyer : « Va kureragonieem me vulkul. Va renara is abidara ke kurenik trakul. Kottol belcon til kalaf ! ».

Soriaf gu dimlapira va ebava, Ngoc Tâm tawadayik lwiyir da afizmielon detcer. Sielon konviele ta eksalustera ve govankriyir. Viele tiyir gracaf, tivap pok tel inaf va int ve ewalzeyer. Pedran gan listuca ke Nhan Diêp, dolekik doon toz prilayar nume tenon brostayar aze van warzafa nia ve vanstayar. Dimpiyis is yatkaf, Ngoc Tâm ve gorayar da va kulaf dolekik onkar. Kaiki konak abrotcif aneyaraf aksat ve kiewaskiyir da vaon katrasir. Va kurenik ve katrasiyir aze puon ve drageyer da in kazokever. Giltis va drikafa blira, battel va bata dragera ve vewayar. Acum icde intafa renara tawadayik ve zo fraskeyer nume pu kurenik ve kaliyir : « Rin til da va jin bulul. Vexe va tela baroya dimbliesa forteybelaxa gimayana mo rinafo alto godimzilil ». Tis kalaf da va intafe akoydafe kurenikye batinde drikapon rodakteyer, Nhan Diêp ve ekeyuyur da geltpuiler. Vexe viele fortey toz traspuyur, in ve awalkeyer. Bata foktafa zivolikya va varafa bulura va tamava me rotrobindayar. Koon ve dimtalayar, va int artazukayason ton bezama kotviele onkasa va Ngoc Tâm ta da va tela baroya forteybelaxa vanstatasa ko ayablira dubier. Kan valpok yolt bat bonolam stekeon zo grupeter.

[[Loma:Vunda]]
[[Loma:Vunda ke Vietnama|Izva va valpok]]
[[Loma:Ayoltaca yo|Izva va valpok]]

Loma:Vunda ke Vietnama

2007-06-14T21:49:38Z

Nguyen Tanh: Lomaredura

[[Loma:Vunda]]

Izva va valpok

2007-06-14T21:48:53Z

Nguyen Tanh: Buredura

Loma:Urima ke Vietnama

2007-06-13T13:56:29Z

Nguyen Tanh: Lomaredura

[[Loma:Urima]]

Keuca is aryona urima

2007-06-13T13:55:09Z

Nguyen Tanh:

{{TextQuality|50%}}

<div style="margin-top:1.2em;font-size:140%;">
<center>'''Keuca is ara urima se'''</center></div>
<center>''Vietnamafa urima se''</center>

{{Krent_Iyelt
| xanto_vergumvelt = '''Nhẫn'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Vietnamava Vietnamava]
| xanto_evla = -
| kalkotavara_vergumvelt = Keuca is ara urima se
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2004
| webesik = [[Favesik:Nguyen Tanh|Nguyen Tanh]]
| krentduga = [[Image:50%.jpg]] Gotuwadan
}}

== Keuca ==

Konakviele keuca va renara zanudar,

Konakviele keuca va divargera zanudar.

Konakviele keuca va tukotunawera zanudar,

Konakviele keuca va mestakera zanudar.

'''''NHẪN'''''

''Có khi nhẫn để yêu thương,''

''Có khi nhẫn để tìm đường lo toan.''

''Có khi nhẫn để vẹn toàn,''

''Có khi nhẫn để tránh tàn sát nhau.''

== Takra ==

Takra sotir trak ke metan,

Solwikafa takra va kiewe sokoafir.

Va takra sonteson, lodontinon is lodilon grutalal,

Va takra tarkason, miv grujebel.

Blirova kotviele tolkalir :

Takra sotir baron lozolonafa dam butc.

'''''TÂM'''''

''Tâm là tâm tưởng con người,''

''Cái tâm thanh thản sáng ngời thiện căn.''

''Vọng tâm con bước tiến thân,''

''Chân tâm tĩnh tuệ trăm phần rạng ra.''

''Lẽ đời luôn nhắc bảo ta,''

''Chữ tâm còn trọng bằng ba chữ tài.''

==Ara vietnamafa urima se==

''...Không sợ gian nguy,không giờ phút nghỉ; Ghét mọi quân thù,ghét mọi nước sơn...''

…Va wupe mekivason ise va meka tilderawexa dison ; va kot relingasik akladason, ise va kota kseva akladason…

''Đánh kẻ chạy đi,chứ không đánh kẻ chạy lại.''

Va grolesik vols tel moveyes va intafa axaca yo aliel…

''Chộp chộp, bum bum. Đời tôi cô đơn nên yêu ai cũng cô đơn; Đời tôi cô đơn nên đi uống...rượu phèo...''

Jinafi bli tir antafi, acum do bettelya jin kotviele sotí antaf ; jinafa blira tir antafa, acum va ruyat … ulí…

[[Loma:Urima]]
[[Loma:Urima ke Vietnama|Vietnama]]
[[Loma:Ayoltaca yo|Keuca is ara urima se]]

Keuca is aryona urima

2007-06-13T13:54:02Z

Nguyen Tanh:

{{TextQuality|50%}}

<div style="margin-top:1.2em;font-size:140%;">
<center>'''Keuca is ara urima se'''</center></div>
<center>''Vietnamafa urima se''</center>

{{Krent_Iyelt
| xanto_vergumvelt = '''Nhẫn'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Vietnamava Vietnamava]
| xanto_evla = -
| kalkotavara_vergumvelt = Keuca is ara urima se
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2004
| webesik = [[Favesik:Nguyen Tanh]]
| krentduga = [[Image:50%.jpg]] Gotuwadan
}}

== Keuca ==

Konakviele keuca va renara zanudar,

Konakviele keuca va divargera zanudar.

Konakviele keuca va tukotunawera zanudar,

Konakviele keuca va mestakera zanudar.

'''''NHẪN'''''

''Có khi nhẫn để yêu thương,''

''Có khi nhẫn để tìm đường lo toan.''

''Có khi nhẫn để vẹn toàn,''

''Có khi nhẫn để tránh tàn sát nhau.''

== Takra ==

Takra sotir trak ke metan,

Solwikafa takra va kiewe sokoafir.

Va takra sonteson, lodontinon is lodilon grutalal,

Va takra tarkason, miv grujebel.

Blirova kotviele tolkalir :

Takra sotir baron lozolonafa dam butc.

'''''TÂM'''''

''Tâm là tâm tưởng con người,''

''Cái tâm thanh thản sáng ngời thiện căn.''

''Vọng tâm con bước tiến thân,''

''Chân tâm tĩnh tuệ trăm phần rạng ra.''

''Lẽ đời luôn nhắc bảo ta,''

''Chữ tâm còn trọng bằng ba chữ tài.''

==Ara vietnamafa urima se==

''...Không sợ gian nguy,không giờ phút nghỉ; Ghét mọi quân thù,ghét mọi nước sơn...''

…Va wupe mekivason ise va meka tilderawexa dison ; va kot relingasik akladason, ise va kota kseva akladason…

''Đánh kẻ chạy đi,chứ không đánh kẻ chạy lại.''

Va grolesik vols tel moveyes va intafa axaca yo aliel…

''Chộp chộp, bum bum. Đời tôi cô đơn nên yêu ai cũng cô đơn; Đời tôi cô đơn nên đi uống...rượu phèo...''

Jinafi bli tir antafi, acum do bettelya jin kotviele sotí antaf ; jinafa blira tir antafa, acum va ruyat … ulí…

[[Loma:Urima]]
[[Loma:Urima ke Vietnama|Vietnama]]
[[Loma:Ayoltaca yo|Keuca is ara urima se]]

Keuca is aryona urima

2007-06-13T13:50:10Z

Nguyen Tanh: Buredura

{{TextQuality|50%}}

<div style="margin-top:1.2em;font-size:140%;">
<center>'''Keuca is ara urima se'''</center></div>
<center>''Vietnamafa urima se''</center>

{{Krent_Iyelt
| xanto_vergumvelt = '''Nhẫn'''
| xanto_sutesik = -
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Vietnamava Vietnamava]
| xanto_evla = -
| kalkotavara_vergumvelt = Keuca is ara urima se
| kalkotavara_kalkotavasik = Jacques Nguyen Tanh
| kalkotavara_piskura = -
| kalkotavara_evla = 2004
| webesik = [[Favesik:Nguyen Tanh]]
| krentduga = [[Image:50%.jpg]] Gotuenan
}}

== Keuca ==

Konakviele keuca va renara zanudar,

Konakviele keuca va divargera zanudar.

Konakviele keuca va tukotunawera zanudar,

Konakviele keuca va mestakera zanudar.

'''''NHẪN'''''

''Có khi nhẫn để yêu thương,''

''Có khi nhẫn để tìm đường lo toan.''

''Có khi nhẫn để vẹn toàn,''

''Có khi nhẫn để tránh tàn sát nhau.''

== Takra ==

Takra sotir trak ke metan,

Solwikafa takra va kiewe sokoafir.

Va takra sonteson, lodontinon is lodilon grutalal,

Va takra tarkason, miv grujebel.

Blirova kotviele tolkalir :

Takra sotir baron lozolonafa dam butc.

'''''TÂM'''''

''Tâm là tâm tưởng con người,''

''Cái tâm thanh thản sáng ngời thiện căn.''

''Vọng tâm con bước tiến thân,''

''Chân tâm tĩnh tuệ trăm phần rạng ra.''

''Lẽ đời luôn nhắc bảo ta,''

''Chữ tâm còn trọng bằng ba chữ tài.''

==Ara vietnamafa urima se==

''...Không sợ gian nguy,không giờ phút nghỉ; Ghét mọi quân thù,ghét mọi nước sơn...''

…Va wupe mekivason ise va meka tilderawexa dison ; va kot relingasik akladason, ise va kota kseva akladason…

''Đánh kẻ chạy đi,chứ không đánh kẻ chạy lại.''

Va grolesik vols tel moveyes va intafa axaca yo aliel…

''Chộp chộp, bum bum. Đời tôi cô đơn nên yêu ai cũng cô đơn; Đời tôi cô đơn nên đi uống...rượu phèo...''

Jinafi bli tir antafi, acum do bettelya jin kotviele sotí antaf ; jinafa blira tir antafa, acum va ruyat … ulí…

[[Loma:Urima]]
[[Loma:Vunda ke Vietnama|Vietnama]]
[[Loma:Ayoltaca yo|Keuca is ara urima se]]